PM Modi Australia Visit : PM મોદીની ઓસ્ટ્રેલિયાની ત્રીજી મુલાકાત, મેલબોર્નમાં 30,000 લોકો કરશે ભવ્ય સ્વાગત

30,000 થી વધુ લોકો આપશે હાજરી

ઉલ્લેખનીય છે કે વડાપ્રધાન નરેન્દ્રભાઈ મોદી 3 વખત ઓસ્ટ્રેલિયાની મુલાકાતે જવાના છે. 9 જુલાઈએ મેલબોર્નમાં યોજાનાર મેગા કોમ્યુનિટી ઇવેન્ટ, મેલબોર્ન મીટ્સ મોદી માટે લગભગ 30,000 લોકોએ નોંધણી કરાવી લીધી છે. આ કાર્યક્રમની તૈયારીઓ પૂરજોશમાં ચાલી રહી છે, અને તેને ભારત-ઓસ્ટ્રેલિયા સંબંધોમાં એક મહત્વપૂર્ણ ઘટના માનવામાં આવે છે.

ઓસ્ટ્રેલિયા ઇન્ડિયા ફાઉન્ડેશન (AIF) આ કોમ્યુનિટી રિસેપ્શનનું આયોજન કરી રહ્યું છે. આ કાર્યક્રમ મેલબોર્નના માર્વેલ સ્ટેડિયમમાં યોજાવાનો છે. AIF એ ઓસ્ટ્રેલિયામાં અનેક ભારતીય સંગઠનો અને સ્થાનિક સ્વયંસેવકો સાથે મળીને આ કાર્યક્રમની તૈયારીઓ શરૂ કરી દીધી છે. સંગઠનનું કહેવું છે કે આ કાર્યક્રમ ભારત અને ઓસ્ટ્રેલિયા વચ્ચે લોકશાહી મૂલ્યો, આર્થિક સહયોગ અને પરસ્પર આદરને મજબૂત બનાવવા માટે એક મહત્વપૂર્ણ પહેલ છે.

આગામી 9 અને 10 જુલાઈએ લેશે મુલાકાત

સૂત્રોના જણાવ્યા અનુસાર, PM મોદીની ઓસ્ટ્રેલિયાની મુલાકાત 9 થી 10 જુલાઈ દરમિયાન નક્કી કરવામાં આવી છે. જોકે, સરકારે હજુ સુધી વિગતવાર કાર્યક્રમની સત્તાવાર જાહેરાત કરી નથી. આ મુલાકાત PMના વ્યાપક વિદેશ પ્રવાસનો ભાગ હોવાની અપેક્ષા છે, જેમાં ઇન્ડોનેશિયા અને ન્યુઝીલેન્ડ પણ શામેલ છે. ઓસ્ટ્રેલિયા આ પ્રવાસનો અંતિમ પડાવ હોઈ શકે છે.

ઠંડીના કારણે આ કાર્યક્રમ ઈન્ડોરમાં યોજાય તેવી શક્યતા

મેલબોર્નમાં મેલબોર્ન મીટ્સ મોદી કાર્યક્રમ સમગ્ર પ્રવાસનું સૌથી મોટું જાહેર આકર્ષણ હોવાની અપેક્ષા છે. ઠંડા હવામાનને કારણે, માર્વેલ સ્ટેડિયમ જેવા મોટા ઇન્ડોર સ્થળની પસંદગી કરવામાં આવી છે, જેના કારણે હજારો લોકોની હાજરીમાં આ કાર્યક્રમ યોજાઈ શકે છે. આયોજકોના મતે, ભારતીય સમુદાય ઉપરાંત, વડા પ્રધાન મોદી સાથે જોડાવા માટે વ્યાપારિક અને સામાજિક સંગઠનોમાં ઘણો ઉત્સાહ છે.

આ પણ વાંચો : Amarnath Yatra 2026 : 'હર હર મહાદેવ' ના ગગનભેદી નારા સાથે અમરનાથ યાત્રાળુઓનું પહેલું ગ્રુપ રવાના, લેફ્ટનન્ટ ગવર્નર મનોજ સિંહાએ આપી લીલી ઝંડી