ભારતીય સમુદાયમાં ઉત્સવ જેવો માહોલ

સેશેલ્સમાં છેલ્લા ઘણા દાયકાઓથી વસવાટ કરતા ભારતીય મૂળના પરિવારો માટે વડાપ્રધાન મોદીની આ મુલાકાત ઐતિહાસિક ક્ષણ સમાન બની હતી. સેંકડો લોકો ભારતના વડાપ્રધાનનું સ્વાગત કરવા આતુર હતા. સમગ્ર વાતાવરણમાં ભારતીય સંસ્કૃતિ, ઉત્સાહ અને ગૌરવની લાગણી સ્પષ્ટ જોવા મળી હતી. એક ભારતીય મૂળની મહિલાએ જણાવ્યું કે તેમની પુત્રીએ વડાપ્રધાનની હાજરીમાં યોજાયેલા સાંસ્કૃતિક કાર્યક્રમ (Cultural Programme)માં ભાગ લીધો હતો, જે તેમના પરિવાર માટે ગર્વની ક્ષણ બની.

PM મોદીએ X પર વ્યક્ત કરી ખુશી

વડાપ્રધાન મોદીએ પોતાના સત્તાવાર X (Formerly Twitter) એકાઉન્ટ પર સ્વાગત બદલ આભાર વ્યક્ત કર્યો હતો. તેમણે લખ્યું કે સેશેલ્સ એરપોર્ટ પર તેમના સ્વાગતમાં કચ્છ (Kutch)નું પરંપરાગત નૃત્ય રજૂ કરવામાં આવ્યું, જે ભારતની સમૃદ્ધ સાંસ્કૃતિક વારસાની સુંદર ઝલક હતી. તેમણે ભારતીય પ્રવાસી સમુદાયની પ્રશંસા કરતાં જણાવ્યું કે તેઓ ભારતના વિવિધ પ્રદેશોની સંસ્કૃતિને વિદેશમાં પણ જીવંત રાખી રહ્યા છે.

44 વર્ષથી સેશેલ્સમાં રહેતા ગુજરાતીનો આનંદ

ગુજરાતના કચ્છના મૂળ અને છેલ્લા 44 વર્ષથી સેશેલ્સમાં રહેતા એક ભારતીયે જણાવ્યું કે તેમના જીવનમાં આ દિવસ સૌથી યાદગાર રહ્યો છે. તેમણે આશા વ્યક્ત કરી કે વડાપ્રધાન મોદીની આ મુલાકાતથી ભારત અને સેશેલ્સ વચ્ચેના સંબંધો વધુ મજબૂત બનશે. ભારતીય સમુદાયની નવી પેઢીમાં પણ વડાપ્રધાન મોદીની મુલાકાતને લઈને ભારે ઉત્સાહ જોવા મળ્યો હતો. એક યુવાન પોતાના હાથે તૈયાર કરેલો ખાસ સંદેશ લઈને વડાપ્રધાનનું સ્વાગત કરવા પહોંચ્યો હતો. આ સમગ્ર સ્વાગત દર્શાવે છે કે ભારત અને સેશેલ્સ વચ્ચે વર્ષોથી રહેલા સાંસ્કૃતિક, ઐતિહાસિક અને મિત્રતાપૂર્ણ સંબંધો આજે પણ એટલાં જ મજબૂત છે.

Here are some glimpses from the warm welcome at the airport in Seychelles. Thankful to the Indian diaspora for the affection. pic.twitter.com/uwxfpER1OV

— Narendra Modi (@narendramodi) June 27, 2026

આ પણ વાંચો : PM Modi Seychelles Visit : સેશેલ્સમાં દુનિયાના સૌથી વૃદ્ધ જીવિત કાચબા જોનાથનને મળ્યા PM મોદી