ભારત પર હુમલો થશે તો અમેરિકા સાથે રહેશે

મીડિયા સાથેની વાતચીત દરમિયાન ટ્રમ્પે જણાવ્યું કે અમેરિકા (USA) દરેક રીતે ભારતની સાથે છે. તેમણે સ્પષ્ટ શબ્દોમાં કહ્યું કે, જો ભારત પર કોઈ હુમલો થાય અને નરેન્દ્ર મોદી સત્તામાં હોય, તો અમેરિકા ભારતની બાજુએ ઊભું રહેશે, ભલે તે માટે કોઈ લેખિત કરાર (Written Agreement) ન હોય. ટ્રમ્પના આ નિવેદનને ભારત-અમેરિકા સંબંધોમાં મજબૂત વિશ્વાસ અને વ્યૂહાત્મક ભાગીદારી (Strategic Partnership)નું પ્રતિબિંબ માનવામાં આવી રહ્યું છે.

PM મોદી સાથેના સંબંધો અંગે ટ્રમ્પની ટિપ્પણી

G7 Summit દરમિયાન ટ્રમ્પે જણાવ્યું કે PM મોદી લાંબા સમયથી તેમના મિત્ર રહ્યા છે અને બંને દેશોના સંબંધો હંમેશા મજબૂત રહ્યા છે. તેમણે ભારત દ્વારા અમેરિકામાં થતા રોકાણ (Investment) અને તેના કારણે સર્જાતી રોજગારી (Employment)ની પણ પ્રશંસા કરી હતી.

'દેખાવમાં નરમ, પરંતુ વાતચીતમાં કડક'

ટ્રમ્પે PM મોદીના વ્યક્તિત્વ વિશે વાત કરતાં કહ્યું કે તેઓ દેખાવમાં ખૂબ શાંત અને સૌમ્ય લાગે છે, પરંતુ વાટાઘાટો (Negotiations) દરમિયાન અત્યંત કડક અને મજબૂત વલણ ધરાવે છે. તેમણે કહ્યું કે લોકો PM મોદીને ખૂબ સારા માણસ તરીકે ઓળખે છે, પરંતુ તેઓ દેશના હિતોની વાત આવે ત્યારે અત્યંત દૃઢ નેતા સાબિત થાય છે.

ભારત પ્રવાસ અંગે પણ આપી સંકેત

PM મોદીની પ્રશંસા કરતાં ટ્રમ્પે 'હાઉડી મોદી' (Howdy Modi) કાર્યક્રમની યાદ તાજી કરી હતી, જેમાં હ્યુસ્ટન (Houston)નું સ્ટેડિયમ લોકોની ભારે હાજરીથી ખચાખચ ભરાઈ ગયું હતું. ટ્રમ્પે જણાવ્યું કે PM મોદી ભારતીય જનતાને પ્રેમ કરે છે અને અમેરિકા સાથે પણ સારા સંબંધો ઇચ્છે છે. તેમણે ભવિષ્યમાં ભારતની મુલાકાત લેવાની પણ ઈચ્છા વ્યક્ત કરી હતી, જેના કારણે બંને દેશો વચ્ચેના સંબંધો વધુ મજબૂત બનવાની શક્યતા વ્યક્ત કરવામાં આવી રહી છે.

આ પણ વાંચો : PM Modi Trump praise : G7 સમિટમાં વડાપ્રધાન મોદીના વખાણ કરી ડોનાલ્ડ ટ્રમ્પ થયા આફરીન