SPG અને પોલીસ અધિકારીઓએ કર્યું રિહર્સલ
PM મોદીના આગમન અને સભા દરમિયાન સુરક્ષા વ્યવસ્થાનું યોગ્ય સંકલન થાય તે માટે SPG તેમજ પોલીસના ઉચ્ચ અધિકારીઓ રિહર્સલમાં સક્રિય રીતે જોડાયા હતા. એરપોર્ટથી સભા સ્થળ સુધી PM મોદીના કાફલાની અવરજવર, રસ્તામાં સુરક્ષા બંદોબસ્ત અને સંભવિત સ્થિતિમાં તાત્કાલિક પ્રતિસાદ સહિતની વ્યવસ્થાઓનું પરીક્ષણ કરવામાં આવ્યું હતું. રિહર્સલ દરમિયાન મુખ્ય માર્ગો પર થોડા સમય માટે ટ્રાફિક વ્યવસ્થા પણ બદલવામાં આવી હતી.
Advertisement ![Navratri Banner]()
યુવાનોને આકર્ષવા વિશેષ આયોજન
વડોદરામાં PM મોદી MS યુનિવર્સિટીના પેવેલિયન મેદાન ખાતે સભાને સંબોધશે. આ કાર્યક્રમમાં ખાસ કરીને યુવા વર્ગને આકર્ષવા માટે અલગ પ્રકારનું આયોજન કરવામાં આવ્યું છે. સભા માટે વિશાળ સ્ટેજ તૈયાર કરવામાં આવ્યું છે અને અંદાજે 200 મીટર લાંબો રેમ્પ પણ બનાવવામાં આવ્યો છે. આ રેમ્પના માધ્યમથી PM મોદી ચાલતા-ચાલતા યુવાનો સાથે સંવાદ કરશે અને તેમને સંબોધશે.
ડોમમાં કલર કોડ મુજબ બેઠક વ્યવસ્થા
સભા સ્થળે વિશાળ ડોમમાં બેઠક વ્યવસ્થા કરવામાં આવી છે. વ્યવસ્થિત પ્રવેશ અને ભીડનું સંચાલન સરળ બને તે માટે અલગ-અલગ કલર કોડ નક્કી કરવામાં આવ્યા છે. કાર્યક્રમમાં ભાગ લેવા માટે અગાઉથી રજિસ્ટ્રેશન કરાવનાર વ્યક્તિઓને જ પ્રવેશ આપવામાં આવશે. સમગ્ર કાર્યક્રમ દરમિયાન સુરક્ષા અને ટ્રાફિક વ્યવસ્થા જળવાઈ રહે તે માટે પોલીસ દ્વારા સતત મોનિટરિંગ કરવામાં આવશે. PM મોદીના પ્રવાસને લઈને શહેરમાં સુરક્ષા એજન્સીઓ અને સ્થાનિક તંત્ર વચ્ચે સંકલન વધારવામાં આવ્યું છે.
વડોદરામાં PM મોદીના કાર્યક્રમને લઈને ઉત્સુકતા
PM મોદીની સભાને લઈને વડોદરામાં ખાસ કરીને યુવાનોમાં ઉત્સુકતા જોવા મળી રહી છે. GEN Z વર્ગને ધ્યાનમાં રાખીને તૈયાર કરવામાં આવેલી સભામાં પરંપરાગત સભા કરતાં અલગ અંદાજ જોવા મળશે. લાંબા રેમ્પ પર ચાલતા-ચાલતા PM મોદી યુવાનોને સંબોધશે, જેના કારણે કાર્યક્રમનું આયોજન પણ વિશેષ બનાવવામાં આવ્યું છે.
આ પણ વાંચોઃ Swachhata Se Swagat: PM મોદીના આગમન પહેલાં વડોદરાના 250 ગામો ચમક્યા, 1,835 ટન કચરો સાફ
