PM Modi આજે સાંજે 5 વાગ્યે રાષ્ટ્રને સંબોધન કરશે, જાણો સમગ્ર માહિતી

• PM Modi GST સુધારાઓ અંગે માહિતી આપી શકે છે
• આવતીકાલે, 22 સપ્ટેમ્બરથી શરૂ થનારી નવરાત્રી પર પણ ચર્ચા કરી શકે છે
• સંબોધન અંગે કોઈ સત્તાવાર નિવેદન બહાર પાડવામાં આવ્યું નથી

PM Modi આજે સાંજે 5 વાગ્યે રાષ્ટ્રને સંબોધન કરશે. એવું માનવામાં આવે છે કે પીએમ મોદી GST સુધારાઓ અંગે માહિતી આપી શકે છે. તેઓ આવતીકાલે, 22 સપ્ટેમ્બરથી શરૂ થનારી નવરાત્રી પર પણ ચર્ચા કરી શકે છે. જોકે, તેમના સંબોધન અંગે કોઈ સત્તાવાર નિવેદન બહાર પાડવામાં આવ્યું નથી. એ નોંધવું જોઈએ કે સરકારે GST 2.0 હેઠળ અનેક ઉત્પાદનો પર GST દર ઘટાડ્યા છે.

ફક્ત બે GST સ્લેબ, 5% અને 18%, યથાવત રાખવામાં આવ્યા

હવે, ફક્ત બે GST સ્લેબ, 5% અને 18%, યથાવત રાખવામાં આવ્યા છે, જ્યારે 12% અને 28% ટેક્સ સ્લેબ નાબૂદ કરવામાં આવ્યા છે. 12% સ્લેબમાં મોટાભાગની પ્રોડક્ટ્સને 5% સ્લેબમાં મૂકવામાં આવી છે, જ્યારે 28% સ્લેબમાં મોટાભાગની પ્રોડક્ટ્સને 18% સ્લેબમાં મૂકવામાં આવી છે. કેટલીક વસ્તુઓ પર GST દર ઘટાડીને શૂન્ય કરવામાં આવ્યો છે. આનો અર્થ એ છે કે 22 સપ્ટેમ્બર પછી, આ પ્રોડક્ટ્સ પર '0' GST લાગુ થશે, જેના કારણે આ બધી વસ્તુઓ ખૂબ સસ્તી થઈ જશે.

કોઈને કોઈ મોટા નિર્ણયો સામે આવ્યા

ઉલ્લેખનીય છે કે છેલ્લે 2014થી જ્યારથી પીએમ મોદીની સરકાર સત્તામાં આવી છે ત્યારે પીએમ મોદીએ જ્યારે પણ દેશને સંબોધન કર્યું છે ત્યારે કોઈને કોઈ મોટા નિર્ણયો સામે આવ્યા છે. હાલ સ્પષ્ટ નથી કે પીએમ મોદી યુએસ ટ્રેડ વોર અને H-1B વિઝા વિવાદ પર વાત કરશે કે નહીં. નિષ્ણાતો કહે છે કે હાલમાં પીએમ તેમના ભાષણમાં આ મુદ્દાઓ પર વાત નહીં કરે કેમ કે આ ખૂબ જ સંવેદનશીલ અને ઊંડા રાજદ્વારી મામલા છે. તેનો ઉકેલ રાજદ્વારી રીતે લાવવામાં આવશે.

આ પણ વાંચો: Election Commission: શું ચૂંટણી લડવા માટેની ઉંમર ઘટાડીને 21 વર્ષ કરવામાં આવશે?