PM Modi In Gujarat: PM મોદીના હસ્તે ગુજરાતને મળી વિકાસની ભેટ, સાણંદમાં ત્રીજા સેમિકન્ડક્ટર પ્લાન્ટનો શુભારંભ

સાણંદમાં વિકાસ પામી રહ્યો છે સેમિકન્ડક્ટર પ્લાન્ટ

સાણંદમાં આકાર પામેલી આ એસેમ્બલિંગ અને ટેસ્ટિંગ ફેસિલિટી (ATMP) અંદાજે 7,500 કરોડ રૂપિયાના રોકાણથી તૈયાર કરવામાં આવી છે. 'ઈન્ડિયા સેમિકન્ડક્ટર મિશન' (ISM) હેઠળ મંજૂર કરાયેલા પ્રથમ 4 મહત્વપૂર્ણ પ્રોજેક્ટ્સમાં આ પ્લાન્ટનો સમાવેશ થાય છે. આ પ્લાન્ટ ખાસ કરીને AI (આર્ટિફિશિયલ ઇન્ટેલિજન્સ) અને એડવાન્સ્ડ સ્ટોરેજ સોલ્યુશન્સની વૈશ્વિક માંગને પહોંચી વળવામાં સહાયક બનશે. આનાથી ઓટોમોટિવ, ટેલિકોમ્યુનિકેશન્સ, 5G અને IoT (Internet of Things) ક્ષેત્રે ભારતની ક્ષમતાઓમાં અનેકગણો વધારો થશે.

6 સેમિકન્ડક્ટર પ્રોજેક્ટ્સને મંજૂરી આપવામાં આવી

ગુજરાતની વાત કરીએ તો, રાજ્યમાં અત્યાર સુધીમાં કુલ 1.24 લાખ કરોડના જંગી રોકાણ સાથે 6 સેમિકન્ડક્ટર પ્રોજેક્ટ્સને મંજૂરી આપવામાં આવી છે. આ પ્રોજેક્ટ્સ દ્વારા રાજ્યમાં 50 હજારથી વધુ પ્રત્યક્ષ અને પરોક્ષ રોજગારીનું સર્જન થવાની સંભાવના છે. ટાટા, માઈક્રોન અને CG સેમી જેવી વૈશ્વિક અગ્રણી કંપનીઓ ગુજરાતમાં પોતાનો વિકાસ કરી રહી છે. આ ઉપરાંત, ધોલેરા ખાતે મિની અને માઈક્રો-LED ડિસ્પ્લે ફેબ અને પ્રથમ વ્યાવસાયિક સેમિકન્ડક્ટર ફેબનું નિર્માણ કાર્ય પણ અંતિમ તબક્કામાં છે. આ વિકાસને પગલે ગ્લોબલ સેમિકન્ડક્ટર વેલ્યુ ચેઈનમાં ભારતનું સ્થાન વધુ મજબૂત બનશે અને દેશ ‘મેક ઇન ઇન્ડિયા’ ના લક્ષ્ય તરફ વધુ એક ડગલું આગળ વધશે.

આ પણ વાંચો: Gujarat Police :કર્ણાટકથી ‘ફિલ્મી સ્ટાઈલ’ રેસ્ક્યુ: ગુજરાત પોલીસની સિંહ ત્રાડ!