Mehsana: સગીરાને મંદિરમાં જતી રોકવા મામલે 2 આરોપીને પોલીસે પકડ્યા, ગાળાગાળી બાદ ધમકી આપ્યાનો આક્ષેપ
મહેસાણાના આંબલીયાસણ ગામના મહાદેવ મંદિર પાસે ફરિયાદીને દર્શન કરતા રોકી ગાળાગાળી અને સગીરા સાથે ગેરવર્તણૂક કરી જાનથી મારી નાખવાની ધમકી આપ્યાના આક્ષેપો થયા છે. લાંઘણજ પોલીસે એટ્રોસિટી અને પોક્સો એક્ટ હેઠળ ગુનો નોંધી કૌશલ ઉપાધ્યાય અને પિંકીબેન ઉપાધ્યાયની ધરપકડ કરી બંનેને કોર્ટમાં રજૂ કર્યા છે.
Advertisement
Mehsana Temple Entry Controversy: મહેસાણા જિલ્લાના લાંઘણજમાં મહાદેવ મંદિર પાસે બનેલી ગંભીર ઘટનામાં પોલીસે બે આરોપીઓની ધરપકડ કરી છે. આંબલીયાસણ ગામમાં બનેલી ઘટનામાં ફરિયાદીને મંદિરમાં દર્શન કરવા જતા રોકી ગાળાગાળી કરવામાં આવી હોવાનો આક્ષેપ છે. આ ઉપરાંત સગીરા સાથે ગેરવર્તણૂક કરી જાનથી મારી નાખવાની ધમકી આપવામાં આવી હોવાની ફરિયાદ બાદ પોલીસે ગંભીરતાથી તપાસ હાથ ધરી હતી.