Gopal Italia : જામનગરની સભામાં ગોપાલભાઈ ઈટાલિયા પર જૂતું ફેંકવાની ઘટના બાદ રાજકીય ગરમાવો!
જામનગરમાં આજે AAP નેતા અને MLA ગોપાલભાઈ ઈટાલિયાની જાહેર સભામાં એક એવી ઘટના બની કે ચાલુ સભા અચાનક અટકાવાઈ હતી. તેનું કારણ એ છે કે સ્ટેજ પાસે બેઠેલા એક શખ્સ દ્વારા ગોપાલભાઈ પર જૂતું ફેંકી હુમલાનો પ્રયાસ કરાયો હતો. આ ઘટનાનાં વીડિયો પણ વાઇરલ થયા છે. આ મામલે ગોપાલભાઈ ઈટાલિયા, ચૈતરભાઈ વસાવા અને ભાજપ નેતા શ્રદ્ધાબેન રાજપૂતની પ્રતિક્રિયા આવી છે.
Advertisement
- Gopal Italia પર હુમલાને લઈ રાજકીય ગરમાવો!
- ગોપાલભાઈ ઈટાલિયા, ચૈતરભાઈ વસાવા, શ્રદ્ધાબેન રાજપૂતની પ્રતિક્રિયા
- વિશાળ જનસમર્થન જોઈને પેટમાં તેલ રેડાયું : ગોપાલભાઈ ઈટાલિયા
- 'લોકોએ કહ્યું પોલીસની ગાડીમાં જ આ ભાઈ આવ્યો'
- અમારી સભા રોકવા આવા કૃત્યો થાય છે : ચૈતરભાઈ વસાવા
- સસ્તી લોકપ્રિયતા માટે આમ આદમી જાણીતી છે: શ્રદ્ધાબેન રાજપૂત
Jamnagar : જામનગરમાં આજે આમ આદમી પાર્ટી (AAP) ના નેતા અને MLA ગોપાલભાઈ ઈટાલિયા (Gopal Italia) જાહેર સભા સંબોધિ રહ્યા હતા. ત્યારે એક એવી ઘટના બની કે ચાલુ સભા અચાનક અટકાવાઈ હતી. ગોપાલભાઈ ઈટાલિયાનું સંબોધન અધવચ્ચે રોકાઈ ગયું હતું. તેનું કારણ એ છે કે સ્ટેજ પાસે બેઠેલા એક શખ્સ દ્વારા ગોપાલભાઈ પર જૂતું ફેંકી હુમલાનો પ્રયાસ કરાયો હતો. આ ઘટનાનાં વીડિયો પણ વાઇરલ થયા છે. જૂતું ફેંકનારા શખ્સની પોલીસે અટકાયત કરી છે. ત્યારે, હવે આ મામલે ગોપાલભાઈ ઈટાલિયા, ધારાસભ્ય ચૈતરભાઈ વસાવા (Chaitarbhai Vasava) અને ભાજપ નેતા શ્રદ્ધાબેન રાજપૂતની (Shraddha Rajput) પ્રતિક્રિયા સામે આવી છે.