Private Jet:આ ભારતીયો પાસે છે દુનિયાનાં સૌથી મોંઘા પ્રાઈવેટ જેટ, કિંમત જાણી ચોંકી જશો!

• ભારતીય સેલેબ્સ વિશ્વના સૌથી મોંઘા પ્રાઈવેટ જેટ
• ભારતનું સૌથી મોંઘું પ્રાઈવેટ જેટ મુકેશ અંબાણી પાસે છે
• બોલિવૂડ સ્ટાર શાહરૂખ ખાન જોડે પ્રાઇવેટ જેટ છે

 

Private Jet:સેલિબ્રિટીઝની લાઇફસ્ટાઇલ હંમેશા લક્ઝરી અને આરામથી ભરપૂર હોય છે. બિઝનેસ ફેમ અને ભવ્યતાના ઉદાહરણ રૂપે, ભારતમાં ઘણા સેલિબ્રિટીઝ પાસે પ્રાઈવેટ જેટ(Private Jet) છે જે તેમને સરળ અને આરામદાયક મુસાફરીનો અનુભવ કરાવે છે. આ પ્રાઈવેટ જેટ તેમની શાન અને લક્ઝરી (Luxury private)જીવનશૈલીનું પ્રતિનિધિત્વ કરે છે. ચાલો જાણીએ કે કયા ભારતીય સેલેબ્સ વિશ્વના સૌથી મોંઘા અને ભવ્ય પ્રાઈવેટ જેટ ધરાવે છે.

 

 

 

મુકેશ અંબાણી (Boeing 737 MAX 9)

ભારતના સૌથી ધનિક વ્યક્તિ મુકેશ અંબાણી પાસે બોઇંગ 737 મેક્સ 9 છે, જે એક ઉડતો મહેલ છે. તેમાં માસ્ટર બેડરૂમ, એક વિશાળ લિવિંગ રૂમ અને સંપૂર્ણ સુસજ્જ રસોડું છે. આ જેટમાં 19 લોકો મુસાફરી કરી શકે છે અને તેની રેન્જ 6,570 કિલોમીટર છે. તેની કિંમત લગભગ 100 મિલિયન ડોલર (આશરે 830 કરોડ રૂપિયા) છે, જે તેને ભારતનું સૌથી મોંઘું પ્રાઈવેટ જેટ બનાવે છે.

 

વિજય માલ્યા (Airbus A319)

વિજય માલ્યા પાસે એરબસ A319 છે, જે તેમની શાહી શૈલી દર્શાવે છે. આ જેટમાં ડાઇનિંગ એરિયા અને લક્ઝુરિયસ બેડરૂમ છે. આ જેટમાં 18 મુસાફરોને લઈ જવાની ક્ષમતા છે અને તે 6,850 કિલોમીટર સુધી નોન-સ્ટોપ ઉડી શકે છે. આ જેટની કિંમત લગભગ 80 મિલિયન ડોલર (664 કરોડ રૂપિયા) છે.

 

લક્ષ્મી મિત્તલ (Gulfstream G650ER)

સ્ટીલ કિંગ લક્ષ્મી મિત્તલ ગલ્ફસ્ટ્રીમ G650ERની માલિકી ધરાવે છે, જે સૌથી ઝડપી અને સૌથી લાંબા અંતરના બિઝનેસ જેટમાંથી એક છે. તે 13,890 કિલોમીટર સુધી નોન-સ્ટોપ ઉડી શકે છે અને તેની સ્પીડ મેક 0.925 સુધી પહોંચી શકે છે. તેમાં 19 મુસાફરો બેસી શકે છે અને તેની કિંમત લગભગ 70 મિલિયન ડોલર એટલે કે 581 કરોડ રૂપિયા છે.

 

આદર પૂનાવાલા (Gulfstream G550)

અદાર પૂનાવાલા સીરમ ઇન્સ્ટિટ્યૂટના CEO ગલ્ફસ્ટ્રીમ G550 ની માલિકી ધરાવે છે, જે તેની વિશ્વસનીયતા અને શ્રેષ્ઠ સુવિધાઓ માટે જાણીતું છે. તેની રેન્જ 12,501 કિલોમીટર છે અને તેની સ્પીડ મેક 0.885 છે. તેમાં 19 લોકો બેસી શકે છે અને તેની કિંમત લગભગ 61.5 મિલિયન ડોલર એટલે કે 510.45 કરોડ રૂપિયા છે.

રતન ટાટા (Dassault Falcon 2000)

ટાટા ગ્રુપના દિવંગત ચેરમેન રતન ટાટા પાસે દસોલ્ટ ફાલ્કન 2000 હતું, તમને જણાવી દઈએ કે આ જેટની રેન્જ 7,410 કિલોમીટર છે અને સ્પીડ મેક 0.84 છે. આ જેટ 10 મુસાફરોને લઈ જઈ શકે છે અને તેની કિંમત લગભગ $35 મિલિયન (રૂ. 290.5 કરોડ) છે. ટાટાનું આ જેટ પરફોર્મન્સ અને લક્ઝરીનું શાનદાર સંયોજન છે.

આ પણ  વાંચો -Royal Enfield Electric Bike આ તારીખ થશે લોન્ચ,જાણો કિંમત

અમિતાભ બચ્ચન(Bombardier Challenger 300)

બોલિવૂડ મેગાસ્ટાર અમિતાભ બચ્ચન પાસે બોમ્બાર્ડિયર ચેલેન્જર 300 છે, જેની રેન્જ 5,741 કિલોમીટર અને સ્પીડ મેક 0.82 છે. તેમાં 10 મુસાફરો બેસી શકે છે અને આ જેટ લગભગ 25 મિલિયન ડોલર એટલે કે 207.5 કરોડ રૂપિયા છે.

આ પણ  વાંચો -Reliance નો મોટો નિર્ણય, Jio સિનેમા થઈ શકે છે બંધ?

શાહરૂખ ખાન (Gulfstream G550)

બોલિવૂડના બાદશાહ શાહરૂખ ખાન ગલ્ફસ્ટ્રીમ G550નો માલિક છે. તેની રેન્જ 12,501 કિલોમીટર છે અને સ્પીડ મેક 0.885 છે. તેમાં 19 લોકો મુસાફરી કરી શકે છે અને તેની કિંમત 61.5 મિલિયન ડોલર એટલે કે 510.45 કરોડ રૂપિયા છે.

આ પણ  વાંચો -Flipkart નો 'Big Diwali Sale', iPhone નાં આ ફોન પર ધમાકેદાર ડિસ્કાઉન્ટ ઓફર્સ!

અક્ષય કુમાર (Hawker 800)

અક્ષય કુમાર પાસે હોકર 800 છે, જે મધ્યમ કદનું ખાનગી જેટ છે. તેની રેન્જ 4,630 કિલોમીટર અને સ્પીડ મેક 0.80 છે. તેમાં 8 મુસાફરો બેસી શકે છે અને તેની કિંમત લગભગ 20 મિલિયન ડોલર એટલે કે 166 કરોડ રૂપિયા છે.