Rajasthan : ઉર્જા સંકટ વચ્ચે યુવકે કારને ડીઝલથી નવડાવવી ! સોશિયલ મીડિયા પર વીડિયો વાયરલ થતા 2ની ધરપકડ

ઇન્સ્ટાગ્રામ રીલ (Instagram Reel) બનાવવા માટે બે યુવાનોએ પેટ્રોલ પંપ (Petrol Pump) જેવા સંવેદનશીલ વિસ્તારમાં સ્કોર્પિયો (Scorpio) કાર પર ખુલ્લેઆમ ડીઝલ (Diesel) રેડીને તેને ધોવાનું નાટક કર્યું હતું. આ જોખમી સ્ટંટનો વીડિયો વાયરલ થતાં જ પોલીસે કડક કાર્યવાહી કરી બંનેની ધરપકડ કરી છે.

Advertisement

Rajasthan : શું છે સમગ્ર મામલો ?

સોશિયલ મીડિયા પર વાયરલ થયેલા એક વીડિયોમાં જોઈ શકાય છે કે, એક યુવક પેટ્રોલ પંપના પ્રાંગણમાં પોતાની એસયુવી (SUV) કાર પર પાણીની જેમ ડીઝલનો છંટકાવ કરી રહ્યો છે. આ વીડિયોને સ્ટાઇલિશ મ્યુઝિક સાથે એડિટ કરીને 'રીલ' તરીકે અપલોડ કરવામાં આવ્યો હતો. પેટ્રોલ પંપ પર સહેજ અમથી ચિંગારી પણ ભયાનક વિસ્ફોટ નોતરી શકે છે, તેમ છતાં લાઈક્સ મેળવવા માટે આ યુવાનોએ ગંભીર બેદરકારી દાખવી હતી.

પોલીસની ત્વરિત કાર્યવાહી

આ મામલો સિરોહીના પોલીસ અધિક્ષક (SP-Superintendent of Police) પુષ્પેન્દ્ર સિંહના ધ્યાન પર આવતા જ તેમણે તાત્કાલિક તપાસના આદેશો આપ્યા હતા. પાલડી એમ પોલીસ સ્ટેશન (Paldi M Police Station) દ્વારા કાર્યવાહી હાથ ધરવામાં આવી છે. વીડિયોમાં દેખાતા યુવાનોની ઓળખ મહિપાલ સિંહ અને તેના સાથી તરીકે થઈ હતી. જેઓ છિબા ગામના રહેવાસી છે. પોલીસે બંને

વીડિયોમાં દેખાતા યુવાનોની ઓળખ મહિપાલ સિંહ (Mahipal Singh) અને તેના સાથી તરીકે થઈ હતી, જેઓ છિબા ગામના રહેવાસી છે. પોલીસે બંને આરોપીઓની ધરપકડ (Arrest) કરી છે. ગુનામાં વપરાયેલી સ્કોર્પિયો કાર (Vehicle Seized)ને પણ પોલીસે કાયદેસરની કાર્યવાહી હેઠળ જપ્ત કરી છે.

यह वीडियो आगे आया जिसमें एक व्यक्ति अपनी गाड़ी को डीजल से दो रहा है

अब यह बताओ अगर यहाँ हादसा हो जाता तो जिम्मेदार कौन होता

गाड़ी नंबर :- RJ24UA4117 @SirohiPolice इस रईस की वजह से एक बड़ा हादसा हो सकता था
ऐसे लोगों पर त्वरित कार्यवाही होनी चाहिए अन्यथा कल इनको देखकर कोई और… pic.twitter.com/wAXF2Lprwj

— Deependra Pal Singh Sau (@SauDeependra) March 29, 2026

મનોરંજન કે મોતનું આમંત્રણ ?

પોલીસ પૂછપરછમાં જાણવા મળ્યું છે કે આ સ્ટંટ માત્ર મનોરંજન અને ફોલોઅર્સ વધારવા માટે કરવામાં આવ્યો હતો. પોલીસે નાગરિકોને ચેતવણી આપી છે કે જાહેર સ્થળો કે જોખમી વિસ્તારોમાં આવા જોખમી કારનામા કરવા એ ગુનો છે. કાયદાનું ઉલ્લંઘન કરનારા અને લોકોના જીવ જોખમમાં મૂકનારા તત્વો સામે કડક કાર્યવાહી કરવામાં આવશે.

આ પણ વાંચો : ઈરાન યુદ્ધ વચ્ચે પાકિસ્તાનમાં હાહાકાર, પેટ્રોલ-ડીઝલ માટે નહીં, આ વસ્તુની કમીથી તડપશે દેશ