Rajkot Accident: રાજકોટમાં રિક્ષાએ એક્ટિવાને મારી ટક્કર, તાલીમી પોલીસકર્મી કેયુર રામાણીનું મોત

એક્ટીવા પર જતી વખતે અકસ્માત સર્જાયો

માહિતી અનુસાર કેયુર રામાણી વહેલી સવારે એક્ટીવા પર ક્યાંક જઈ રહ્યા હતા ત્યારે અચાનક એક રિક્ષા સાથે અકસ્માત સર્જાયો હતો. રિક્ષાની અડફેટે આવતા તેઓ ગંભીર રીતે ઇજાગ્રસ્ત થયા હતા. અકસ્માત એટલો ગંભીર હતો કે ઘટનાસ્થળે હાજર લોકો તરત જ મદદ માટે દોડી આવ્યા હતા. સ્થાનિક લોકો દ્વારા તેમને તાત્કાલિક સારવાર માટે હોસ્પિટલ ખસેડવાની કામગીરી હાથ ધરાઈ હતી, પરંતુ ગંભીર ઇજાઓને કારણે તેમનું મોત નિપજ્યું હોવાનું જાણવા મળી રહ્યું છે.

મવડી હેડ ક્વાર્ટર્સમાં તાલીમ લઈ રહ્યા હતા

કેયુર રામાણી પોલીસ વિભાગમાં જોડાયા બાદ રાજકોટના મવડી હેડ ક્વાર્ટર્સ ખાતે તાલીમ મેળવી રહ્યા હતા. યુવાન વયે પોલીસ સેવામાં કારકિર્દી શરૂ કરનાર કેયુરના અચાનક અવસાનથી તેમના સહકર્મીઓ અને તાલીમાર્થી મિત્રો પણ સ્તબ્ધ બની ગયા છે. પોલીસ વિભાગમાં આ ઘટનાને લઈને શોકનું વાતાવરણ જોવા મળી રહ્યું છે.

પરિવારમાં ગમગીનીનો માહોલ

કેયુર રામાણીના અકસ્માતમાં મોતના સમાચાર મળતાં જ તેમના પરિવારજનો પર દુઃખનો પહાડ તૂટી પડ્યો છે.યુવાન પુત્રને ગુમાવતાં પરિવારજનોમાં ભારે આક્રંદ છવાઈ ગયો છે.

આ પણ વાંચોઃ Rajkot Mass Suicide: રાજકોટમાં પરિવારનો સામૂહિક આપઘાતનો પ્રયાસ કરનાર પતિ, પત્ની અને પુત્રના મોત

આ પણ વાંચોઃ Rajkot: મિત્રએ જ મિત્રને મોતને ઘાટ ઉતાર્યો! ચા પીવાના બહાને બોલાવી હત્યાને અંજામ આપ્યાનો આરોપ