Rajkot Crime Branch નો સપાટો, ક્રેટા કારમાં ખાસ ચોરખાનું બનાવી દારૂની હેરાફેરી કરનાર ઝડપાયો

આરોપી ફર્નિચરના ધંધા સાથે સંકળાયેલો છે

આરોપીની પૂછપરછમાં તે રાજસ્થાનના અલગ-અલગ ઠેકા પરથી પાંચ પાંચ દારૂની બોટલ ભેગી કરી રાજકોટ છૂટકમાં વેચાણ માટે લઈ આવતો હોવાની કબૂલાત આપી હતી. આરોપીએ દારૂની હેરાફેરી માટે કારની આગળની સીટ નીચે ખૂબ જ હોશિયારીથી એક ગુપ્ત 'ચોરખાનું' બનાવ્યું હતું.

જેમાં તેણે વિદેશી દારૂનો મોટો જથ્થો છુપાવ્યો હતો. આ ઘટનામાં પોલીસે હિતેશ સવદાસ મોઢવાડીયા નામના 25 વર્ષીય યુવાનની ધરપકડ કરી છે, જે વ્યવસાયે ફર્નિચરનો ધંધાર્થી હોવાનું સામે આવ્યું છે.

રાજકોટ ક્રાઈમ બ્રાન્ચે બાતમીના આધારે દારૂ ઝડપ્યો

આરોપીની પૂછપરછમાં પોલીસને ચોંકાવનારી વિગતો જાણવા મળી હતી. આરોપીએ કબૂલાત કરી હતી કે તે રાજસ્થાનના વિવિધ સ્થળોએ ફરીને નાની-નાની માત્રામાં એટલે કે પાંચ-પાંચ બોટલનો જથ્થો ભેગો કરતો હતો અને ત્યારબાદ તે જથ્થાને કારમાં બનાવેલા ચોરખાનામાં ભરીને રાજકોટમાં છૂટક વેચાણ માટે લાવતો હતો.

કાયદાની આંખમાં ધૂળ નાખવા માટે તેણે અનોખી રીત અપનાવી હતી, પરંતુ રાજકોટ ક્રાઈમ બ્રાન્ચની સતર્કતા સામે તેની આ તરકીબ નિષ્ફળ ગઈ હતી.

આ પણ વાંચો : Surat માં વરસાદનો 85 વર્ષનો રેકોર્ડ તૂટયો, 20 ઈંચ વરસાદે શહેરને કર્યું બેહાલ