Deepika-Ranveer : બોલિવૂડ કપલ દીપિકા પાદુકોણ અને રણવીર સિંહ ફરીથી માતા-પિતા બનવા જઈ રહ્યા છે. જેને લઇને તેમની ખુશીનો કોઈ પાર નથી. આ દરમિયાન, 'દીપવીર' તેમના નવા ઘરમાં જોવા મળ્યા છે. બંને બાલ્કનીમાં એકબીજા જોડે ચર્ચા કરતા જોવા મળ્યા છે.
Deepika-Ranveer, નવા ઘરમાં શિફ્ટ થશે
દંપતી પરિવારમાં બીજા બાળકનું સ્વાગત કરે તે પહેલા ચાહકો સ્ટાર કપલને સાથે જોઈને ખૂબ જ ખુશ થયા છે. એવું કહેવામાં આવી રહ્યું છે કે, મુંબઈના પોલ બાંદ્રા વિસ્તારમાં તેમનું 'સ્વપ્ન ઘર' તૈયાર થઇ ગયું છે. અહેવાલો અનુસાર, ફરી વખત માતા બન્યા પછી દીપિકા તેના નવા ઘરમાં શિફ્ટ થશે.
Deepika-Ranveer, કેઝ્યુઅલ લૂકમાં જોવા મળ્યા
આ દંપતી તેમના ઘરનું નિરીક્ષણ કરવા પહોંચ્યા છે, જ્યાં બાંધકામ અને ઇન્ટીરીયરનું કામ ચાલી રહ્યું છે. અહીંના ફોટા અને વીડિયો સોશિયલ મીડિયા પર વાયરલ થઈ રહ્યા છે. બંને કેઝ્યુઅલ લૂકમાં જોવા મળ્યા હતા. દીપિકા સફેદ રંગના શર્ટ અને જીન્સમાં જોવા મળી હતી, જ્યારે રણવીર લાલ ટી-શર્ટ અને કાળી કેપમાં જોવા મળ્યો હતો. આ કપલની કેમેસ્ટ્રીને ચાહકો વખાણી રહ્યા છે.
બેબી બમ્પે ચાહકોનું ધ્યાન ખેંચ્યું
આ મુલાકાત દરમિયાન, દીપિકાના બેબી બમ્પે ચાહકોનું ધ્યાન ખેંચ્યું છે. એટલું જ નહીં, અભિનેત્રીના ચહેરા પર ગર્ભાવસ્થાની ચમક સ્પષ્ટ દેખાઈ રહી છે. ઘણી તસવીરોમાં, આ દંપતી હસતાં હસતાં, ઘરના જુદા જુદા ભાગોમાં ફરતા અને ઘરમાં ચાલી રહેલા કામની વિગતોની ચર્ચા કરતા જોવા મળ્યા છે.
પહેલી પુત્રીનું નામ દુઆ રાખ્યું
અત્રે નોંધનીય છે કે, દીપિકા અને રણવીરે તાજેતરમાં જ તેમના બીજા બાળકના આગમનના સમાચાર તેમના ચાહકો સાથે શેર કર્યા હતા. તેમની પહેલી પુત્રી 'દુઆ' ના જન્મ પછી, ચાહકો આ દંપતીના જીવનમાં આવતા બીજા નાના મહેમાન અને તેમના નવા સુંદર ઘરની એક ઝલક જોવા માટે ખૂબ જ ઉત્સાહિત થઈ રહ્યા છે.
નવેમ્બર-18 માં લગ્ન થયા
દીપિકા પાદુકોણ અને રણવીર સિંહના લગ્નની વાત કરીએ તો, નવેમ્બર 2018 માં ઇટાલીના લેક કોમોમાં તેમના ખાનગી લગ્ન થયા હતા. ત્યારબાદ તેઓએ સપ્ટેમ્બર 2024 માં તેમના પહેલા બાળકનું સ્વાગત કર્યું. તેણે પોતાની સુંદર દીકરીનું નામ 'દુઆ' રાખ્યું હતું.
દીપીકાની આવનાર ફિલ્મો
'કિંગ'માં શાહરુખ ખાન સાથે દીપિકા પાદુકોણ જોવા મળશે. અહેવાલો અનુસાર, આ ફિલ્મ ડિસેમ્બરમાં સિનેમાઘરોમાં આવશે. આ ઉપરાંત, અભિનેત્રી 'રાકા'માં અલ્લુ અર્જુન સાથે જોવા મળશે. કામના મોરચે, રણવીર સિંહ હાલમાં તેની આગામી ફિલ્મ "પ્રલય" ની તૈયારી કરી રહ્યો છે, જેમાં કલ્યાણી પ્રિયદર્શન સાથે કામ કરશે.
આ પણ વાંચો - Sunny Deol New Movie : સની દેઓલની 'બંટવારા 1947' નો ફર્સ્ટ લુક થયો જાહેર, જાણો રિલીઝ ડેટ
