Electoral Bonds Recovery કેસમાં નિર્મલા સીતારમણને રાહત...કર્ણાટક હાઈકોર્ટે તપાસ પર લગાવી રોક
- Electoral bonds રિકવરી કેસમાં નિર્મલા સીતારમણને મળી રાહત
- કર્ણાટક હાઈકોર્ટેની કેસની તપાસ પર રોક લગાવી
- ચૂંટણી બોન્ડ યોજના રદ કરવામાં આવી છે
Electoral bonds: ઈલેક્ટોરલ બોન્ડ (Electoral bonds)રિકવરી કેસમાં નાણામંત્રી નિર્મલા સીતારમણ(Nirmala Sitharaman)ને રાહત મળી છે. કર્ણાટક હાઈકોર્ટે (Karnataka High Court)તેમની સામેના કેસની તપાસ પર રોક લગાવી દીધી છે. ઈલેક્ટોરલ બોન્ડ રિકવરી કેસમાં તેમની સામે દાખલ કરાયેલા કેસ પર 22 ઓક્ટોબર સુધી રોક લગાવવામાં આવી છે. કર્ણાટક ભાજપના પૂર્વ અધ્યક્ષ નલિન કુમાર કાતિલે નીચલી કોર્ટના નિર્ણયને હાઈકોર્ટમાં પડકાર્યો હતો. સુનાવણી માટે અરજી સ્વીકારતા, કર્ણાટક હાઈકોર્ટે કર્ણાટક રાજ્ય ભાજપના પૂર્વ અધ્યક્ષ નલિન કુમાર કાતિલ વિરુદ્ધ નોંધાયેલી FIRમાં વધુ તપાસ પર 22 ઓક્ટોબર સુધી રોક લગાવી દીધી છે.
આદર્શ આર અય્યરે ફરિયાદ કરી હતી
જનઅધિકાર સંઘર્ષ પરિષદ (JSP)ના સહ-અધ્યક્ષ આદર્શ આર અય્યરે નિર્મલા સીતારમણ અને નલિન કુમાર કાતિલને આરોપી તરીકે નામ આપીને ફરિયાદ નોંધાવી હતી કે ચૂંટણી બોન્ડની આડમાં નાણાંની ઉચાપત કરી હતી અને 8,000 કરોડ રૂપિયાથી વધુનો ફાયદો ઉઠાવ્યો હતો . ફરિયાદમાં કહેવામાં આવ્યું છે કે સીતારામને ED અધિકારીઓની છૂપી સહાય અને સમર્થન સાથે રાજ્ય અને રાષ્ટ્રીય સ્તરે અન્ય લોકોના લાભ માટે હજારો કરોડ રૂપિયાની ઉચાપત કરી હતી. આદર્શ આર અય્યરના જણાવ્યા અનુસાર, ચૂંટણી બોન્ડની આડમાં ખંડણીનું કામ વિવિધ સ્તરે ભાજપના અધિકારીઓની મિલીભગતથી કરવામાં આવી રહ્યું હતું.
High Court of Karnataka orders interim stay on FIR filed against Union Finance Minister Nirmala Sitharaman and others till October 22.
A stay has been put on further investigation in the FIR registered against then Karnataka BJP president Nalin Kumar Kateel, who is co-accused…
— ANI (@ANI) September 30, 2024
આ પણ વાંચો -સમયસર ફી જમા ન કરાવી શક્યો યુવક, ગુમાવી IIT સીટ, હવે સુપ્રીમ કોર્ટે આપી છે મોટી રાહત...
ચૂંટણી બોન્ડ યોજના રદ કરવામાં આવી છે
સુપ્રીમ કોર્ટે ફેબ્રુઆરીમાં ઈલેક્ટોરલ બોન્ડ સ્કીમને ફગાવી દીધી હતી અને કહ્યું હતું કે તે બંધારણ હેઠળ માહિતીના અધિકાર અને વાણી અને અભિવ્યક્તિની સ્વતંત્રતાનું ઉલ્લંઘન કરે છે. ઈલેક્ટોરલ બોન્ડ સ્કીમને ગેરબંધારણીય અને સ્પષ્ટ રીતે મનસ્વી ગણાવતા સુપ્રીમ કોર્ટે 15 ફેબ્રુઆરીએ SBIને 12 એપ્રિલ, 2019થી ખરીદેલા બોન્ડની સંપૂર્ણ વિગતો ચૂંટણી પંચને સુપરત કરવાનો નિર્દેશ આપ્યો હતો. કોર્ટે કમિશનને 13 માર્ચ સુધીમાં તેની વેબસાઈટ પર સંબંધિત વિગતો પ્રકાશિત કરવાનો પણ નિર્દેશ આપ્યો હતો.