Bharuch : રિવેન્જ રેપનો કિસ્સો; 16 વર્ષીય સગીરા પર ચાલુ ગાડીમાં દુષ્કર્મ, 5 સામે ફરિયાદ

પહેલા પરિવારને માર્યો માર

શ્રમિક પરિવાર મધ્યપ્રદેશથી રોજગારી માટે ભરૂચમાં આવ્યો હતો અને કોન્ટ્રાક્ટર હેઠળ કામ કરીને ડેરા-તંબુમાં રહેતો હતો. પરિવારના યુવકે તેમના વતનની એક યુવતીને ત્રણ મહિના પહેલા ભગાડી લીધી હતી. આની અદાવતમાં યુવતીના ભાઈ વિક્રમ અમરસીંગ ગરવાલ, બનેવી રાજુ નારસીંગ મેડા, મામા જીવણ રાદુ ભુરીયા અને અન્ય બે અજાણ્યા વ્યક્તિઓ મળીને પાંચ લોકો ગાડીમાં આવ્યા અને પરિવાર પર હુમલો કર્યો.

Bharuch :  પછી સગીરા ઉપર આચર્યું દુષ્કર્મ

આ દરમિયાન તેઓએ ફરિયાદી માતા, તેની નણંદ, સગીર દીકરી અને અન્ય એકને ગાડીમાં બેસાડીને અવાવરું જગ્યાએ લઈ જઈ મારમારી કરી હતી. પછી તેઓને ડેરા પાસે છોડી દીધા, પરંતુ સગીરાને ફરી ગાડીમાં લઈ જઈ વિક્રમ અને જીવણે તેને પકડી રાખી અને રાજુ મેડાએ ચાલુ ગાડીમાં તેના કપડા ઉતારી બળજબરીપૂર્વક દુષ્કર્મ આચર્યું હતુ. તેણે સગીરાને મારી નાખવાની ધમકી આપી અને અવાવરું જગ્યાએ છોડીને ભાગી ગયા હતા.

સગીરાને પેટમાં દુખાવો ઉપડતા રેપનો થયો ખુલાસો

સગીરાને પેટમાં તીવ્ર દુખાવો થતાં તેણે પરિવારને ગાડીમાં તેની સાથે કરેલા રેપ વિશેની વાત જણાવી હતી. તેથી સગીરાની માતાએ નબીપુર પોલીસ મથકમાં ફરિયાદ નોંધાવી છે. પોલીસે પાંચ આરોપીઓ સામે દુષ્કર્મ, અપહરણ, POCSO, મારમારી, છેડતી, રાયોટીંગ અને અન્ય કલમો હેઠળ ગુનો નોંધીને તપાસ શરૂ કરી છે. સગીરાનું મેડિકલ પરીક્ષણ કરાવવામાં આવ્યું છે અને આરોપીઓની ધરપકડ માટે પ્રયાસો ચાલુ છે.

પરિવાર રેલવે સ્ટેશન ઉપર રહેવા થયું મજબૂર

પરિવાર શીયાળાની ઠંડીમાં ત્રણ દિવસથી નબીપુર રેલ્વે સ્ટેશન પર રઝળવા મજબૂર બન્યો હતો. આ દરમિયાન ભરૂચમાં કાર્યરત સેવાયજ્ઞ સમિતિના રાકેશ ભટ્ટનો સંપર્ક કરાવવામાં આવ્યો હતો. સમિતિએ પરિવારને આશ્રય આપીને જમવા અને રહેવાની વ્યવસ્થા કરી છે, જે માનવતાનું ઉત્તમ ઉદાહરણ છે. આ ઘટના ગુજરાતમાં વધતા અત્યાચાર અને રિવેન્જ ક્રાઇમ્સને ઉજાગર કરે છે. પોલીસે આરોપીઓને પકડવા માટે ચક્રો ગતિમાન કર્યા છે.

આ પણ વાંચો- Jetpur : ભાદર નદી પ્રદૂષણ મામલે ખેડૂતોનો હલ્લાબોલ : કેરાળી નજીક નદી પટમાં ધરણું, ઉગ્ર આંદોલનની ચેતવણી