Patan News: પાણીમાં રોડ બનાવ્યો! રાધનપુમાં તંત્રની ગંભીર બેદરકારી
રાધનપુરના મશાલી રોડ પર 7 કરોડના ખર્ચે બની રહેલા 1.5 કિમી લાંબા માર્ગમાં ધરતી કન્સ્ટ્રક્શન દ્વારા ગંભીર બેદરકારી દાખવવામાં આવી છે. કોન્ટ્રાક્ટરે ઢીંચણ સુધી ભરાયેલા પાણીમાં જ રોડ બનાવી કામગીરીના લીરેલીરા ઉડાવ્યા છે. આ મુખ્ય માર્ગ 15 સોસાયટી અને 7 ગામડાઓને જોડે છે, જેથી ગુણવત્તાના અભાવે આ રોડ ટૂંક સમયમાં જ નષ્ટ થવાની ભીતિ સેવાઈ રહી છે.
Advertisement
Patan News: પાટણ જિલ્લાના રાધનપુર (Radhanpur) ખાતેથી વિકાસના કામોમાં થતી લાલીયાવાડીનો વધુ એક કિસ્સો પ્રકાશમાં સામે આવ્યો છે. અહીં વોર્ડ નંબર 7 ના મશાલી રોડ (Mashali Road) પર નિર્માણ પામી રહેલા નવા માર્ગમાં આર એન્ડ બી (R&B) વિભાગના કોન્ટ્રાક્ટર દ્વારા અત્યંત બેજવાબદારીપૂર્વક કામગીરી કરવામાં આવી છે. 'ધરતી કન્સ્ટ્રક્શન' (Dharti Construction), અંજાર દ્વારા કરવામાં આવેલી આ કામગીરી હાલ સ્થાનિકોમાં કુતૂહલ અને ભારે રોષનો વિષય બની છે.