રશિયાનો યુક્રેન પર Iskander Missile વડે મોટો હુમલો, ઉર્જા-રેલ ઇન્ફ્રાસ્ટ્રક્ચરની કમર તુટી
- રશિયા અને યુક્રેન વચ્ચેનું યુદ્ધ વધુ તણાવગ્રસ્ત બન્યું
- રશિયાએ યુક્રેનના ઉર્જા અને રેલ ઇન્ફ્રાસ્ટ્રક્ચરને નિશાન બનાવ્યું
- મોટા મિસાઇલ હુમલામાં મહત્વના માળખાને મોટું નુકશાન પહોંચ્યું હોવાનો દાવો
Russia Fire Iskander Missile On Ukraine : રશિયા-યુક્રેન યુદ્ધના (Russia - Ukraine War) ત્રીજા વર્ષમાં તણાવ ચરમસીમાએ પહોંચી ગયો છે. શુક્રવારે રાત્રે રશિયન દળોએ યુક્રેનની રાજધાની કિવ પર ઇસ્કંદર બેલિસ્ટિક મિસાઇલોથી મોટો હુમલો (Russia Fire Iskander Missile On Ukraine) કર્યો છે, જેનાથી શહેરના ઉર્જા માળખા અને રેલ્વે સિસ્ટમનો નાશ થયો હોવાનું સામે આવ્યું છે. પ્રાથમિક અહેવાલો અનુસાર, આ હુમલામાં ચાર નાગરિકો માર્યા ગયા અને ડઝનેક ઘાયલ થયા છે. યુક્રેનિયન અધિકારીઓએ આંતરરાષ્ટ્રીય સમુદાય પાસેથી તાત્કાલિક હસ્તક્ષેપની માંગ કરી છે, હુમલાને "વોર ક્રાઇમ" (War Crime) ગણાવ્યો છે.
🇷🇺❗🇺🇦Russia unleashed hell on Ukraine, Friday, night.
The artworks of Russia's Iskander missiles on Kiev / Kyiv.
Fires still burning, energy infrastructure destroyed. pic.twitter.com/xq0RQoMOn1
— Wolf Brief (@wolfbrief_) October 25, 2025
ટ્રેક ઉખડી ગયા, ઘણી ટ્રેનો રદ કરવામાં આવી
યુક્રેન પર મોટો હુમલો રાત્રે 11 વાગ્યાની આસપાસ શરૂ થયો હતો, જ્યારે રશિયન મિસાઇલોએ (Russia Fire Iskander Missile On Ukraine) કિવની બહારના મુખ્ય પાવર પ્લાન્ટ અને રેલ્વે જંકશનને નિશાન બનાવ્યા હતા. ઇસ્કંદર મિસાઇલો, જે 500 કિલોમીટરની રેન્જ ધરાવે છે, અને 700 કિલોગ્રામ વિસ્ફોટકો વહન કરી શકે છે, તેણે શહેરના પાવર ગ્રીડને ખોરવી નાખ્યું છે. કિવના મેયર વિટાલી ક્લિટ્શ્કોએ સોશિયલ મીડિયા પર પોસ્ટ કર્યું કે, "આપણી ઉર્જા સિસ્ટમનો 40 ટકા ભાગ નાશ પામ્યો છે. હજારો ઘરો વીજળી વિહોણા બન્યા છે, અને હોસ્પિટલો જનરેટર પર આધાર રાખી રહી છે." રેલ્વે સિસ્ટમ પણ ગંભીર રીતે પ્રભાવિત થઈ હતી, મુખ્ય સ્ટેશન પર ટ્રેક ઉખડી ગયા હતા અને ઘણી ટ્રેનો રદ કરવામાં આવી હતી.
યુક્રેનની રેલ વ્યવસ્થા ખોરવાઇ
રશિયન મિસાઇલોના (Russia Fire Iskander Missile On Ukraine) વિનાશક હુમલા અંગે યુક્રેનિયન રેલ્વેના વડાએ કહ્યું કે, સમારકામમાં ઓછામાં ઓછો એક અઠવાડિયા લાગશે, જેનાથી લશ્કરી પુરવઠો અને નાગરિક મુસાફરી પર ગંભીર અસર પડી છે. મૃતકોમાં 65 વર્ષીય મહિલા અને બે યુવાન મજૂરોનો સમાવેશ થાય છે, જે હુમલા સમયે રેલ્વે ટ્રેક પાસે કામ કરી રહ્યા હતા. ઘાયલોને કીવની મુખ્ય હોસ્પિટલોમાં દાખલ કરવામાં આવ્યા હતા, જ્યાં ડોક્ટરોએ ચેતવણી આપી હતી કે, ઠંડા હવામાન દરમિયાન વીજળીનો અભાવ આરોગ્ય સંકટને વધુ ખરાબ કરી શકે છે. યુક્રેનિયન રાષ્ટ્રપતિ વ્લાદિમીર ઝેલેન્સકીએ એક વિડિઓ સંદેશ બહાર પાડ્યો છે, જેમાં કહ્યું, "આ હુમલો આપણા લોકોની હત્યા કરવાનો પ્રયાસ છે. અમે અમારો પ્રતિકાર ચાલુ રાખીશું, પરંતુ વિશ્વએ રશિયાના આક્રમણને રોકવું જોઈએ." તેમણે નાટો દેશોને શસ્ત્ર પુરવઠો ઝડપી બનાવવા અપીલ કરી છે.
રશિયાએ યુક્રેન પર હુમલાની જવાબદારી સ્વીકારી
રશિયન બાજુએ, ક્રેમલિનએ હુમલાની જવાબદારી સ્વીકારી કહ્યું કે, તેમની કાર્યવાહી "લશ્કરી લક્ષ્યો" સામે છે, પરંતુ યુક્રેને પુરાવા રજૂ કર્યા કે, તે ઇરાદાપૂર્વક નાગરિક માળખાને નિશાન બનાવ્યું હતું. સંયુક્ત રાષ્ટ્રએ બંને બાજુથી સંયમ રાખવાની હાકલ કરી છે. નિષ્ણાતો માને છે કે, આ હુમલો યુક્રેનના શિયાળાને મુશ્કેલ બનાવવાના હેતુથી રશિયન વ્યૂહરચનાનો એક ભાગ છે. ગયા મહિને આવા જ હુમલાઓમાં ડઝનેક લોકો મૃત્યુ પામ્યા હતા. આ ઘટના વૈશ્વિક ઊર્જા બજારને હચમચાવી રહી છે, જ્યાં યુરોપિયન યુનિયને કટોકટીની બેઠક બોલાવી છે.
આ પણ વાંચો ------ યુદ્ધના ભણકારા: વેનેઝુએલા પર હુમલાની આશંકા, ટ્રમ્પે લેટિન અમેરિકા મોકલ્યું મોટું એરક્રાફ્ટ કેરિયર જૂથ