અમેરિકા બાદ રશિયાએ પરમાણુ પરિક્ષણ માટે કમર કસી, પુતિને સેનાને આપ્યા આદેશ
- અમેરિકા બાદ રશિયાએ પરમાણુ પરિક્ષણ અંગે સંકેતો આપ્યા
- રશિયાન પ્રેસીડેન્ટ પુતિને સંરક્ષણ મંત્રાલય સહિત અનેકને દરખાસ્ત તૈયાર કરવા જણાવ્યું
- અમેરિકાએ વર્શ 1992 બાદ પરમાણુ પરિક્ષણ કર્યું નથી
Putin Order Proposal For Nuclear Test : રશિયાના રાષ્ટ્રપતિ વ્લાદિમીર પુતિને (Putin Order Proposal For Nuclear Test) બુધવારે અધિકારીઓને પરમાણુ પરીક્ષણો ફરી શરૂ કરવાની શક્યતા અંગે દરખાસ્તો તૈયાર કરવાનો નિર્દેશ આપ્યો હતો. આ પગલું ગયા અઠવાડિયે યુએસ રાષ્ટ્રપતિ ડોનાલ્ડ ટ્રમ્પ (US President Donald Trump) ના નિવેદનોના જવાબમાં આવ્યું હોવાનું મનાય છે, જેમાં તેમણે સંકેત આપ્યો હતો કે, યુએસ તેના પરમાણુ પરીક્ષણો ફરી શરૂ કરી શકે છે.
પુતિને રશિયન સુરક્ષા પરિષદને શું કહ્યું
રાષ્ટ્રપતિ સુરક્ષા પરિષદની બેઠકને સંબોધતા, પુતિને તેમના અગાઉના નિવેદનને (Putin Order Proposal For Nuclear Test) પુનરાવર્તિત કર્યું કે, જો યુએસ આવું પગલું ભરે તો જ મોસ્કો પરમાણુ પરીક્ષણ ફરી શરૂ કરશે. જો કે, તેમણે સંરક્ષણ મંત્રાલય, વિદેશ મંત્રાલય અને અન્ય સરકારી એજન્સીઓને વોશિંગ્ટનના ઇરાદાઓનું વિશ્લેષણ કરવા અને પરમાણુ શસ્ત્રો પરીક્ષણ ફરી શરૂ કરવા માટે સંભવિત દરખાસ્તો તૈયાર કરવા સૂચના આપી.
ટ્રમ્પે પરમાણુ પરીક્ષણનો આદેશ આપ્યો
ડોનાલ્ડ ટ્રમ્પે 30 ઓક્ટોબરે સંકેત આપ્યો હતો કે, યુએસ લગભગ ત્રણ દાયકામાં પ્રથમ વખત પરમાણુ શસ્ત્રોનું પરીક્ષણ ફરી શરૂ કરી શકે છે. તેમણે કહ્યું હતું કે, આ પગલું રશિયા અને ચીન સાથે "સમાન ધોરણે" લેવામાં આવશે. જો કે, યુએસ ઉર્જા સચિવ ક્રિસ રાઈટે રવિવારે જણાવ્યું હતું કે, ટ્રમ્પે યુએસના પરમાણુ શસ્ત્ર પ્રણાલીના નવા પરીક્ષણોનો આદેશ આપ્યો હોવા છતાં, તેમાં પરમાણુ વિસ્ફોટોનો સમાવેશ થશે નહીં.
અમેરિકાએ 1992 થી કોઈ પરીક્ષણ કર્યું નથી
અમેરિકન સૈન્ય પણ નિયમિતપણે પરમાણુ-સક્ષમ શસ્ત્રોનું પરીક્ષણ કરે છે, પરંતુ તેણે 1992 થી તેનો વિસ્ફોટ કર્યો નથી. વ્યાપક પરમાણુ-પરીક્ષણ-પ્રતિબંધ સંધિ, જેના પર અમેરિકાએ હસ્તાક્ષર કર્યા હતા, પરંતુ તેને બહાલી આપી ન્હતી, તે બધા પરમાણુ-શસ્ત્રો ધરાવતા દેશો દ્વારા અપનાવવામાં આવી છે. જો કે ઉત્તર કોરિયા તેનાથી દૂર રહ્યું છે.
આ પણ વાંચો ---- ટ્રમ્પના સંબોધનમાં ચાઇનીઝ પ્રેસીડેન્ટનો ઉલ્લેખ, કહ્યું, 'જિનપીંગની જેમ ડરપોક મંત્રીઓની કેબીનેટ જોઇએ'