કેન્દ્ર સરકારે લીધો મોટો નિર્ણય, હવે સ્માર્ટફોન કંપનીઓ માટે 'સંચાર સાથી' ઍપ પ્રી-ઇન્સ્ટોલ કરવી ફરજિયાત
DoT એ સ્માર્ટફોન કંપનીઓને આપ્યા કડક નિર્દેશ (Sanchar Saathi App)
સ્માર્ટફોનમાં સંચાર સાથી એપ પ્રી-ઇન્સ્ટોલ ફજિયાત
કંપનીએ 90 દિવસમાં સબમિટ રિર્પોટ આપવો પડશે
Sanchar Saathi App: કેન્દ્ર સરકારે મોબાઇલ ફોનની સુરક્ષા માટે મોટો નિર્ણય લીધો છે. દરેક ફોનમાં સરકારની સંચાર સાથી એપ ફરજિયાત જોવા મળશે. ટેલિકોમ્યુનિકેશન વિભાગે સ્માર્ટ ફોન કંપનીને આપ્યા કડક નિર્દેશ.પહેલાથી ઉત્પાદિત અથવા સ્ટોર્સમાં વેચાણ માટે ઉપલબ્ધ મોબાઇલ ફોનમાં પણ આ એપ પ્રી-ઇન્સ્ટોલ હોવી જરૂરી રહેશે. આ કરવા માટે, કંપનીઓએ સોફ્ટવેર અપડેટ દ્વારા 'સંચાર સાથી' એપ ઉપલબ્ધ કરાવવી પડશે. ઉત્પાદકો અને આયાતકારોએ આ આદેશનું પાલન કરવું પડશે અને 90 દિવસની અંદર ટેલિકોમ્યુનિકેશન વિભાગને પાલન રિપોર્ટ સબમિટ કરવો પડશે. DoT દ્વારા સ્પષ્ટ નિર્દેશ આપવામાં આવ્યો છે કે મોબાઇલ કંપનીઓ ખાતરી કરે કે 'સંચાર સાથી' એપ ઉપકરણ પર સ્પષ્ટપણે દેખાય અને તેની સુવિધાઓ અક્ષમ કે છુપાયેલી ન હોય. જો નિર્દેશોનું પાલન નહીં થાય, તો કંપનીઓને ટેલિકોમ્યુનિકેશન એક્ટ 2023, ટેલિકોમ્યુનિકેશન સાયબર સિક્યુરિટી રૂલ્સ 2024 અને અન્ય કાયદાઓ હેઠળ કાર્યવાહીનો સામનો કરવો પડશે.
🚨 India makes it mandatory for all new smartphones to include a pre-installed cybersecurity app, Sanchar Saathi. pic.twitter.com/Mr9aEHaIUS
— Indian Tech & Infra (@IndianTechGuide) December 1, 2025
Sanchar Saathi App : DoT એ સ્માર્ટફોન કંપનીઓને આપ્યા કડક નિર્દેશ
'સંચાર સાથી' એપ મોબાઇલ સુરક્ષા સમસ્યાઓને રોકવા માટે બનાવવામાં આવી છે. આ એપનો ઉપયોગ કરીને, મોબાઇલ ફોનના IMEI નંબરની ચકાસણી કરી શકાય છે. IMEI સંબંધિત કોઈપણ છેતરપિંડીની માહિતીની જાણ કરી શકાય છે, તેમજ ખોવાયેલા કે ચોરાયેલા ફોનની પણ જાણ કરી શકાય છે. છેતરપિંડીના કોલ અથવા અન્ય છેતરપિંડીના અહેવાલો પણ નોંધાવી શકાય છે. સરકારે જણાવ્યું છે કે IMEI સાથે ચેડાં કરવા એ ગંભીર અને બિન-જામીનપાત્ર ગુનો છે, જેમાં ટેલિકોમ્યુનિકેશન એક્ટ 2023 હેઠળ ત્રણ વર્ષ સુધીની જેલ, ₹50 લાખ સુધીનો દંડ અથવા બંને સજા થઈ શકે છે.
Sanchar Saathi App : સંચાર સાથી એપ સ્માર્ટફોનમાં હવે અનિવાર્ય
આ આદેશના થોડા દિવસો પહેલા જ સરકારે વોટ્સએપ, સિગ્નલ અને ટેલિગ્રામ જેવી એપ-આધારિત સેવાઓ પર પણ નવા નિયમો લાગુ કર્યા હતા. આ નવા નિયમો મુજબ, આ એપ્સ વપરાશકર્તાના સક્રિય સિમ કાર્ડ સાથે સતત લિંક રહેવી જોઈએ. એપ્સનું વેબ વર્ઝન દર છ કલાકે ઓટો-લોગઆઉટ થશે, અને ફરીથી લોગ ઇન કરવા માટે QR કોડ સ્કેન કરીને ઉપકરણને ફરીથી લિંક કરવું પડશે. આ કંપનીઓએ પણ 120 દિવસની અંદર ઓડિટ રિપોર્ટ સબમિટ કરવો પડશે.
આ પણ વાંચો: Parliament Winter Session: કેન્દ્ર સરકારે 15 ભાગેડુ ગુનેગારોની સંપત્તિ કરી જપ્ત, કુલ ₹19,187 કરોડ વસૂલ્યા!