Savli ભાજપમાં ભડકો, ટિકિટ ન મળતા મહિલા નેતા રડી પડ્યા, પદ પરથી આપ્યું રાજીનામું
- Savli ભાજપમાં ટિકિટ મુદ્દે મોટો વિસ્ફોટ!
- વોર્ડ નં. 5 માં ટિકિટ ન મળતા વૈશાલી પુરોહિતનો આક્રોશ
- મહિલા મોરચાની મહામંત્રીએ પદેથી આપ્યું રાજીનામું
- વર્ષોથી મહેનત કરવા છતાં અવગણના થતા રડી પડ્યા
- ચૂંટણી પહેલા જ ભાજપમાં ભડકો, કાર્યકરોમાં અસંતોષ
- સાવલી નગરપાલિકામાં ઉમેદવારી પહેલા જ રાજકારણ ગરમાયું
સાવલી (Savli): ગુજરાતમાં સ્થાનિક સ્વરાજ્યની સંસ્થાઓની ચૂંટણીનો માહોલ જામી રહ્યો છે, ત્યારે વડોદરા જિલ્લાના સાવલીમાં સત્તાધારી પક્ષ ભાજપ (BJP) માટે મુશ્કેલીઓ ઉભી થઈ રહી છે. સાવલી નગરપાલિકાની ચૂંટણી (Savli Nagarpalika Election) માટે ઉમેદવારી પત્રો ભરાય તે પહેલા જ ટિકિટ વિતરણને લઈને આંતરિક વિવાદ સપાટી પર આવ્યો છે. વોર્ડ નંબર 5 માં ટિકિટ ન મળતા ભાજપના મહિલા મોરચાના અગ્રણી નેતાએ પક્ષ સામે બાયો ચઢાવી છે.
વૈશાલી પુરોહિતનો આક્રોશ અને રાજીનામું
સાવલી ભાજપ મહિલા મોરચાના મહામંત્રી વૈશાલી પુરોહિતે પક્ષ દ્વારા તેમની અવગણના કરવામાં આવી હોવાનો ગંભીર આક્ષેપ કર્યો છે. વોર્ડ નંબર 5 માંથી ટિકિટની માંગણી કરવામાં આવી હતી, પરંતુ પક્ષે અન્ય કોઈ ઉમેદવારની પસંદગી કરતા વૈશાલી પુરોહિતનો આક્રોશ ફાટી નીકળ્યો હતો. તેમણે આક્ષેપ કર્યો હતો કે વર્ષોથી પક્ષ માટે પાયાનું કામ કરવા છતાં છેલ્લી ઘડીએ તેમની ટિકિટ કાપી નાખવામાં આવી છે. અન્યાયની લાગણી સાથે તેમણે મહિલા મોરચાના મહામંત્રી પદેથી રાજીનામું આપી દીધું છે.
સાવલી નગરપાલિકામાં ફોર્મ ભરતા પહેલા ભાજપમાં મોટો વિવાદ
ટિકિટ ન મળતા મહિલા મોરચાના મહામંત્રીએ રાજીનામું આપ્યું
વર્ષોથી પક્ષમાં કામ કરવા છતાં અવગણના થવાની ફરિયાદ
ટિકિટમાં અન્યાયના આક્ષેપ સાથે વૈશાલીબેન પુરોહિત રડી પડ્યા
મહિલા નેતાના રાજીનામાના સમાચારથી રાજકીય ગરમાવો #Savli… pic.twitter.com/NXbuIFx6qL— Gujarat First (@GujaratFirst) April 10, 2026
પક્ષ સામે ગંભીર આક્ષેપો અને ભાવુક દ્રશ્યો
રાજીનામું આપતી વખતે વૈશાલી પુરોહિત અત્યંત ભાવુક થઈ ગયા હતા અને કેમેરા સામે જ રડી પડ્યા હતા. તેમણે જણાવ્યું હતું કે, "મેં વર્ષોથી પક્ષના સંગઠન માટે લોહી-પરસેવો એક કર્યો છે, પરંતુ જ્યારે પ્રતિનિધિત્વની વાત આવી ત્યારે મને સાઈડલાઈન કરવામાં આવી." આ ઘટનાને પગલે સાવલી ભાજપના સ્થાનિક સંગઠનમાં પણ બે ફાટા પડ્યા હોય તેવું જણાઈ રહ્યું છે. અનેક કાર્યકરોમાં પણ અંદરખાને અસંતોષ વ્યાપી રહ્યો છે, જેની અસર આગામી ચૂંટણીના પરિણામો પર પડી શકે છે.
આ પણ વાંચો : પવન ખેડાને તેલંગાણા હાઈકોર્ટની રાહત, આસામ CM હિમંતા બિસ્વા સરમાની પત્ની પર આક્ષેપ કર્યા હતા