Share Market Crash: ભારતીય શેરબજારની શરૂઆત ઘટાડા (Share Market Crash)સાથે થઈ છે. નેશનલ સ્ટોક એક્સચેન્જ (NSE) નો નિફ્ટી 50 24,814.55 પર ખુલ્યો હતો, જ્યારે બોમ્બે સ્ટોક એક્સચેન્જ (BSE) નો સેન્સેક્સ (sensex)153 પોઈન્ટ ઘટીને 81,031.12 પર ખુલ્યો હતો. ટ્રેડિંગની શરૂઆતમાં બ્રોડર ઈન્ડેક્સ લાલ નિશાનમાં ખુલ્યા હતા.
તમામ સેકટર લાલ નિશાનમાં ટ્રેડ થઈ રહ્યા છે
બેન્ક નિફ્ટી ઇન્ડેક્સ 50,580.35 પર ફ્લેટ ખુલ્યો હતો. નિફ્ટી પર, શ્રીરામ ફાઇનાન્સ, એસબીઆઇ લાઇફ ઇન્સ્યોરન્સ, એચયુએલ, એચડીએફસી લાઇફ અને બ્રિટાનિયા ઇન્ડસ્ટ્રીઝ મુખ્ય લાભાર્થીઓમાં હતા, જ્યારે એનટીપીસી, ઓએનજીસી, પાવર ગ્રીડ કોર્પ, અદાણી પોર્ટ્સ અને ટાટા સ્ટીલ પાછળ હતા. એફએમસીજી અને રિયલ્ટી સિવાય અન્ય તમામ સેકટર લાલ નિશાનમાં ટ્રેડ થઈ રહ્યા છે.
આ શેરોમાં ઘટાડો જોવા મળ્યો
નઝારા ટેક્નોલોજિસે પેપરબોટમાં 48.42% હિસ્સો રૂ. 300 કરોડમાં ખરીદ્યો છે. દરમિયાન, ગ્રાન્યુલ્સ ઇન્ડિયાએ હૈદરાબાદ, તેલંગાણામાં તેના ગાગીલાપુર પ્લાન્ટમાં યુએસ ફૂડ એન્ડ ડ્રગ એડમિનિસ્ટ્રેશન (યુએસએફડીએ)નું નિરીક્ષણ પૂર્ણ કરવાની જાહેરાત કરી છે. 26 ઓગસ્ટથી 6 સપ્ટેમ્બર 2024 દરમિયાન હાથ ધરવામાં આવેલ નિરીક્ષણ છ અવલોકનો સાથે સમાપ્ત થયું. મનીકંટ્રોલના સમાચાર અનુસાર, ઓલા ઈલેક્ટ્રિકના શેરમાં 3%નો ઘટાડો જોવા મળ્યો છે. શેરધારકોનો લોક-ઇન પિરિયડ આજે પૂરો થાય છે.
![]()
આ પણ વાંચો -IPO: પૈસા તૈયાર રાખજો!આવી રહ્યો છે ભારતનો સૌથી મોટો IT IPO
રોકાણકારોનું વલણ કેવું રહ્યું
નેશનલ સ્ટોક એક્સચેન્જ (NSE) પર ઉપલબ્ધ કામચલાઉ ડેટા અનુસાર, વિદેશી સંસ્થાકીય રોકાણકારો (FIIs) એ 6 સપ્ટેમ્બર, 2024ના રોજ રૂ. 620.95 કરોડના શેરનું વેચાણ કર્યું હતું, જ્યારે સ્થાનિક સંસ્થાકીય રોકાણકારો (DIIs) એ રૂ. 2,121.53 કરોડના શેર ખરીદ્યા હતા. યુએસ ડૉલર ઇન્ડેક્સ, જે છ મુખ્ય કરન્સી સામે ડૉલરના મૂલ્યને ટ્રેક કરે છે, તે 101.19 પર સ્થિર રહ્યો.
આ પણ વાંચો -Tata Cliq અને તેના CBO સામે પ્રખ્યાત ફેશન બ્રાંડે હાઈકોર્ટમાં કર્યો કેસ
ક્રૂડ તેલ અને વિશ્વ બજારોની સ્થિતિ
સોમવારે સવારે WTI ક્રૂડના ભાવ 1.15% વધીને $68.45 પર ટ્રેડ થઈ રહ્યા હતા, જ્યારે બ્રેન્ટ ક્રૂડના ભાવ 1.03% વધીને $71.79 પર હતા. વૈશ્વિક બજારની વાત કરીએ તો સોમવારે સવારે એશિયા-પેસિફિક ક્ષેત્રના શેરબજારોમાં ઘટાડો જોવા મળ્યો હતો. એશિયાનો ડાઉ 1.86% તૂટ્યો, જ્યારે જાપાનનો નિક્કી 225 2.74% તૂટ્યો. દક્ષિણ કોરિયાનો KOSPI ઇન્ડેક્સ 1.48% ડાઉન હતો. ચીનનો બેન્ચમાર્ક શાંઘાઈ કમ્પોઝિટ પણ 0.89% નીચામાં ટ્રેડ થઈ રહ્યો હતો.
