Share Market:શેરબજારમાં તેજી સાથે બંધ, આ શેરોમાં મોટો ઉછાળો

• શેરબજારમાં સતત બીજા દિવસે તેજીનો માહોલ
• સેન્સેક્સમાં 364 પોઈન્ટનો જોરદાર ઉછાળો
• સેન્સેક્સ 80,369ની સપાટી પર રહ્યો બંધ

Share Market: ધનતેરસનો દિવસ ભારતીય શેરબજાર (Share Market)માટે શાનદાર રહ્યો છે. બજાર દિવસભર ઘટાડા સાથે કારોબાર કરી રહ્યું હતું. પરંતુ છેલ્લા કલાકોમાં બેન્કિંગ શેરોમાં રોકાણકારોની મજબૂત ખરીદીને કારણે સેન્સેક્સ અને નિફ્ટી મજબૂત ઉછાળા સાથે બંધ થયા હતા. મિડકેપ અને સ્મોલકેપ શેરોમાં પણ શાનદાર પ્રદર્શન જોવા મળ્યું છે. આજના કારોબારના અંતે BSE સેન્સેક્સ 364 પોઈન્ટના ઉછાળા સાથે 80,369 પોઈન્ટ અને નેશનલ સ્ટોક એક્સચેન્જનો નિફ્ટી 128 પોઈન્ટના ઉછાળા સાથે 24,466 પોઈન્ટની સપાટીએ બંધ રહ્યો હતો.

સેન્સેક્સના 16 શેર ઉછાળો

આજના કારોબારમાં BSE પર ટ્રેડ થયેલા 3982 શેરોમાંથી 2214 શેરો ઉછાળા સાથે અને 1643 શેરો નુકસાન સાથે બંધ થયા હતા. 125 શેરના ભાવમાં કોઈ ફેરફાર થયો નથી. સેન્સેક્સના 30 શેરોમાંથી 16 શેર ઉછાળા સાથે અને 14 નુકસાન સાથે બંધ થયા હતા. જ્યારે નિફ્ટીના 50 શેરોમાંથી 31 શેર વધીને અને 19 સ્ટૉક ઘટીને બંધ રહ્યા હતા. વધતા શેરોમાં ફેડરલ બેન્ક 8.49 ટકા, SBI 5.13 ટકા, ICICI બેન્ક 5.13 ટકા, બજાજ ફિનસર્વ 2.18 ટકા, NTPC 2.11 ટકા, બજાજ ફાઇનાન્સ 1.61 ટકા, લાર્સન 1.25 ટકા, એક્સિસ બેન્ક 1.31 ટકાના વધારા સાથે બંધ થયા છે. જ્યારે મારુતિ સુઝુકી 4.11 ટકા, ટાટા મોટર્સ 4.06 ટકા, સન ફાર્મા 2.14 ટકા, ભારતી એરટેલ 1.61 ટકા, ઇન્ફોસિસ 1.25 ટકાના ઘટાડા સાથે બંધ થયા હતા.

આ પણ  વાંચો -Share Market:શેરબજારમાં તેજી સાથે બંધ,સેન્સેક્સમાં 602 પોઈન્ટનો ઉછાળો

કેનેરા બેંકના શેરમાં જોરદાર ઉછાળો

રોકાણકારો કેનેરા બેંકના પરિણામોથી ખૂબ સંતુષ્ટ જણાય છે અને મોટા પ્રમાણમાં શેર ખરીદી રહ્યા છે. આજે બપોરે 02.20 વાગ્યા સુધીમાં, કેનેરા બેંકના શેર રૂ. 3.00 (2.98%) વધીને રૂ. 103.65 પર ટ્રેડ કરી રહ્યા હતા. તમને જણાવી દઈએ કે સોમવારે 100.65 રૂપિયા પર બંધ થયેલા બેંકના શેર આજે 101.65 રૂપિયા પર ખુલ્યા હતા. આજે ટ્રેડિંગ દરમિયાન, કેનેરા બેંકના શેરનો ભાવ રૂ. 99.80ના ઇન્ટ્રાડે લોથી રૂ. 103.85ની ઇન્ટ્રાડે હાઇ પર પહોંચ્યો હતો.

આ પણ  વાંચો -Share Market Crash:જો શેરમાર્કેટ 2000 પોઈન્ટ ગગડયું તો! મચી જશે હાહાકાર?

બેંકના શેર તેમની 52 સપ્તાહની ઊંચી પર

જો કે, કેનેરા બેંકના શેરની કિંમત હજુ પણ તેની 52 સપ્તાહની ઊંચી સપાટીથી ઘણી નીચે છે. કેનેરા બેંકના શેરનો 52 સપ્તાહનો સર્વોચ્ચ ભાવ રૂ. 129.35 છે, જ્યારે તેનો 52 સપ્તાહનો નીચો ભાવ રૂ. 75.60 છે. તમને જણાવી દઈએ કે કેનેરા બેંકના શેરમાં છેલ્લા ઘણા સમયથી મંદી ચાલી રહી છે. સરકારી બેંકના શેરે છેલ્લા 1 વર્ષમાં 35.80 ટકા વળતર આપ્યું છે. BSE ડેટા અનુસાર, કેનેરા બેંકનું વર્તમાન માર્કેટ કેપ રૂ. 93,881.24 કરોડ છે.