Luka Majcen Lord Shiva Tattoo: રમતની સાથે જીત્યું દરેક ભારતીયનું દિલ, ફૂટબોલર લૂકા મેજસેનની પીઠ પર દેખાયા 'મહાદેવ'

Luka Majcen Lord Shiva Tattoo: ઇન્સ્ટાગ્રામ પર શેર કરી તસવારી

સોશિયલ મીડિયા પર અત્યારે જે તસવીરો ધૂમ મચાવી રહી છે, તેમાં સ્લોવેનિયાના સ્ટાર ફૂટબોલર લૂકા મેજસેન પોતાની પીઠ પર બનેલું એક સુંદર અને મોટું ટેટૂ બતાવતા નજરે પડે છે. આ અનોખા ટેટૂમાં દેવોના દેવ મહાદેવ એટલે કે ભગવાન શિવની ભવ્ય છબી કંડારેલી જોવા મળે છે. તેની સાથે જ પવિત્ર મહામૃત્યુંજય મંત્ર પણ લખાવેલો છે. લૂકાએ પોતાના ઓફિશિયલ ઇન્સ્ટાગ્રામ પેજ 'lukamajcen9' પર શેર કરી છે. તેણે કેપ્શનમાં લખ્યું છે કે, આ ટેટૂ તે મોટા બદલાવનું પ્રતીક છે, જે ભારત તેના જીવનમાં લાવ્યું છે.

Luka Majcen Lord Shiva Tattoo: વર્ષ 2020 થી ભારતીય ફૂટબોલ સાથે જોડાણ

ઇન્ટરનેટ પર ઉપલબ્ધ માહિતી મુજબ લૂકા મેજસેન વર્ષ 2020 થી જ ભારતીય ફૂટબોલનો એક મહત્વનો હિસ્સો રહ્યો છે. તે અહીંની ઘરેલું લીગમાં સતત રમી રહ્યો છે. ભારતમાં વિતાવેલા આ લાંબા સમયગાળા દરમિયાન તે અહીંની સમૃદ્ધ સંસ્કૃતિ, પરંપરાગત પહેરવેશ અને ખાસ કરીને આધ્યાત્મિકતાથી ખૂબ જ પ્રભાવિત થયો છે. લૂકાના મનમાં ભારત પ્રત્યે અગાધ પ્રેમ અને આદરની ભાવના જાગી છે.

Luka Majcen Lord Shiva Tattoo: ભારતને માન્યું પોતાનું બીજું ઘર

લૂકા સ્પષ્ટ શબ્દોમાં સ્વીકારે છે કે, તે ભારતને પોતાનું બીજું ઘર માને છે. ભગવાન શિવમાં તેની આસ્થા હવે એટલી બધી ઊંડી થઈ ચૂકી છે કે, તેણે આ ભક્તિને પોતાની જિંદગીનો સૌથી મહત્વનો ભાગ બનાવી લીધો છે. મહાદેવ પ્રત્યેના આ પરમ આદર અને અતૂટ વિશ્વાસને કાયમ માટે જીવંત રાખવા તેણે પોતાના શરીર પર ટેટૂના રૂપમાં ખૂબ જ સુંદર રીતે અંકિત કરી લીધી છે. વૈશ્વિક રમત ગમતના માહોલ વચ્ચે આ વિદેશી ખેલાડીની શિવભક્તિ સોશિયલ મીડિયા પર ફેન્સને ખૂબ જ પસંદ આવી રહી છે.

આ પણ વાંચો--- Team India : T20 વર્લ્ડ ચેમ્પિયનમાં ભારતનો શરમજનક પરાજય, આયર્લેન્ડે અગાઉ ભારત સામે આઠ T20 મેચ રમી હતી