ચોમાસું સત્રમાં જ UCC બિલ લાવવાની સરકારની તૈયારી..!

યુનિફોર્મ સિવિલ કોડની ચર્ચા હવે સંસદ સુધી પહોંચી શકે છે. કાયદાકીય બાબતોની સંસદીય સમિતિએ આ મુદ્દે ચર્ચા કરવા માટે 3 જુલાઈએ કાયદા પંચ અને કાયદા મંત્રાલયના અધિકારીઓની બેઠક બોલાવી છે. આ બેઠક બે તબક્કામાં યોજાશે અને કોમન સિવિલ કોડ પર બંને પક્ષોના મંતવ્યો જાણવામાં આવશે. 14મી જૂને કાયદા પંચે યુનિફોર્મ સિવિલ કોડ પર સંબંધિત પક્ષકારોના મંતવ્યો માંગતી નોટિસ જારી કરી હતી. આ માટે એક મહિનાનો સમય આપવામાં આવ્યો છે. દરમિયાન, એવી ચર્ચા છે કે ચોમાસુ સત્ર જુલાઈના ત્રીજા સપ્તાહમાં શરૂ થશે અને તે દરમિયાન UCC પર બિલ રજૂ કરવામાં આવી શકે છે.

કાયદાકીય બાબતોની સંસદીય સમિતિનું નેતૃત્વ ભાજપના નેતા સુશીલ મોદી કરે છે અને તેમાં કુલ 30 સભ્યો છે. એવી પણ ચર્ચા છે કે મોનસૂન સત્રમાં સરકાર યુનિફોર્મ સિવિલ કોડ પરનું બિલ સંસદમાં રજૂ કરી શકે છે અને પછી તેને વિચારણા માટે સ્થાયી સમિતિને સોંપવામાં આવી શકે છે. જણાવી દઈએ કે પીએમ નરેન્દ્ર મોદીએ મંગળવારે ભોપાલમાં બીજેપીના એક કાર્યક્રમમાં આ અંગે વિગતવાર ટિપ્પણી કરી હતી. તેમણે કહ્યું હતું કે કેટલાક લોકો એક સેક્શનને ઉશ્કેરીને યુનિફોર્મ સિવિલ કોડનો વિરોધ કરી રહ્યા છે.

પીએમ મોદીએ કહ્યું કે એક દેશમાં બે પ્રકારના કાયદા કેવી રીતે હોઈ શકે? એક જ પરિવારના બે લોકો માટે અલગ અલગ કાયદા કેવી રીતે હોઈ શકે. વડાપ્રધાનના આ નિવેદન બાદ આંદોલન તેજ થયું છે. મુસ્લિમ પર્સનલ લો બોર્ડે પણ રાતોરાત બેઠક બોલાવી હતી. આ બેઠકમાં નક્કી કરવામાં આવ્યું હતું કે કાયદા પંચ દ્વારા માંગવામાં આવેલા સૂચનો મક્કમતાથી રજૂ કરવામાં આવશે. તમને જણાવી દઈએ કે ભાજપ શરૂઆતથી જ આ મુદ્દે આક્રમક છે. 1967માં પ્રથમ વખત ભારતીય જનસંઘે તેને પોતાના મેનિફેસ્ટોનો એક ભાગ બનાવ્યો હતો. ત્યારથી આજદિન સુધી તે આ મુદ્દે પોતાનું સૈદ્ધાંતિક વલણ આપી રહી છે.

આ પણ વાંચો---OMG: ગુજરાતના આ ઠગને 170 વર્ષની જેલની સજા..! વાંચો રસપ્રદ કેસ.