Virat Kohli ની ઇન્સ્ટાગ્રામ પોસ્ટથી હડકંપ

• સ્ટાર ક્રિકેટર વિરાટ કોહલીએ ઇન્સ્ટાગ્રામ પોસ્ટ કરીને ફેન્સને ચોંકાવી દીધા
• બોલિવૂડ અભિનેત્રી અનુષ્કા શર્મા અને સ્ટાર ક્રિકેટર વિરાટ કોહલી ફરી એકવાર ચર્ચામાં
• આ કપલે પણ ગાયક એઆર રહેમાનની જેમ છૂટાછેડાની જાહેરાત કરી હોવાનું ફેન્સને લાગ્યુ
• વિરાટ કોહલીની આ પોસ્ટ ફેશન બ્રાન્ડ Wrogn માટે હતી

Virat Kohli : બોલિવૂડ અભિનેત્રી અનુષ્કા શર્મા અને સ્ટાર ક્રિકેટર વિરાટ કોહલી (Virat Kohli) ફરી એકવાર ચર્ચામાં છે. આ દંપતીએ તેમના બાળકોના ચહેરા જાહેર કર્યા નથી પરંતુ કંઈક એવું કર્યું જેનાથી ચાહકોના હૃદયના ધબકારા વધી ગયા છે. સોશિયલ મીડિયા પર ફેન્સને લાગ્યું કે વિરાટ કોહલી અને અનુષ્કા શર્મા છૂટાછેડા લઈ રહ્યા છે. એકબીજાને અઢળક પ્રેમ કરતા આ કપલે પણ ગાયક એઆર રહેમાનની જેમ છૂટાછેડાની જાહેરાત કરી છે. આ પોસ્ટ પર ફેન્સ ઘણી કોમેન્ટ કરી રહ્યા છે.

વિરાટ કોહલીની પોસ્ટથી ડરી ગયેલા ચાહકો

આ દિવસોમાં મોટા સ્ટાર્સ તેમના છૂટાછેડાની જાહેરાત કરી રહ્યા છે. આ પહેલા ક્રિકેટર હાર્દિક પંડ્યાએ પણ તેના અને નતાશાના છૂટાછેડાની જાહેરાત કરી હતી. ગઈકાલે રાત્રે જ, ગાયક એઆર રહેમાને પણ પત્ની સાયરા બાનુ સાથેના 29 વર્ષના લગ્નજીવનનો અંત આણ્યો હતો. આ દરમિયાન વિરાટ કોહલીએ પોતાના ટ્વિટર પર એક પોસ્ટ શેર કરી છે. આ વાંચીને સોશિયલ મીડિયા પર હોબાળો મચી ગયો હતો. અચાનક લોકોને લાગ્યું કે વિરાટ અનુષ્કા શર્માથી છૂટાછેડા લઈ રહ્યો છે. વિરાટની પોસ્ટની શરૂઆતની લાઈનોએ ચાહકોને એ વિચારવા મજબૂર કરી દીધા કે શું કોહલી કોઈ મોટો નિર્ણય લેવા જઈ રહ્યો છે.

આ પણ વાંચો----'The Sabarmati Report' ફિલ્મ ગુજરાતમાં થઈ ટેક્સ ફ્રી, જાણો ગૃહ રાજ્યમંત્રી હર્ષ સંઘવીએ શું કહ્યું..

વિરાટે 10 વર્ષ પૂરા થવા પર એક નોટ લખી

વિરાટ કોહલીની આ પોસ્ટ ફેશન બ્રાન્ડ Wrogn માટે હતી. વિરાટની પોસ્ટ સફેદ પૃષ્ઠભૂમિ ફોર્મેટમાં છે. જેમાં લખવામાં આવ્યું છે કે, 'પાછળ જોઉં તો અમે હંમેશાથી અલગ રહ્યાં છીએ. લોકો અમને કોઈપણ બોક્સમાં ફિટ કરવાનો પ્રયાસ કરે છે પરંતુ અમે નથી થયા. બે મિસફિટ જેઓ એકબીજાના પ્રેમમાં પડ્યા હતા. અમે સમય સાથે બદલાયા છીએ પરંતુ હંમેશા વસ્તુઓ અમારી પોતાની રીતે કરી છે. ખરેખર? અમને પરવા નહોતી. અમે કોણ છીએ તે શોધવામાં વ્યસ્ત રહ્યા. દસ વર્ષના ઉતાર-ચઢાવ અને કોરોના રોગચાળો પણ આપણને હલાવી શક્યો નહીં. જો કોઈ અમને અલગ અનુભવ કરાવે તો તે અમારી તાકાત હતી. તેથી અમારા દસ વર્ષ વસ્તુઓ અમારી રીતે કરી રહ્યા છીએ - The Wrogn way.. આવનારા 10 વર્ષ સુધી સાચા મર્દ માટે Wrogn. આ પોસ્ટ પર ચાહકોએ લખ્યું કે તમે અમને ડરાવ્યા છે. તે જ સમયે, ઘણા યુઝર્સે પ્રતિક્રિયાઓ પણ આપી.

સોશિયલ મીડિયા પર ફેન્સને લાગે છે કે વિરાટ અનુષ્કાથી ડિવોર્સ લઈ રહ્યો છે

એક યુઝરે સોશિયલ મીડિયા પર લખ્યું, "મને લાગ્યું કે એઆર રહેમાન ટાઇપ કંઈક છે." "હું એક સેકન્ડ માટે ચોંકી ગયો," બીજાએ લખ્યું. ત્રીજાએ લખ્યું, “વિરાટ ભાઈ, આવા સફેદ કાગળ પર ન લખો. અમે ડરી જઈએ છીએ.” ચોથા યુઝરે લખ્યું, "ગઈકાલે એઆર રહેમાન અને આજે તમે?" અન્ય યુઝરે કહ્યું, "મને થોડા સમય માટે મીની હાર્ટ એટેક આવ્યો હતો."

આ પણ વાંચો---AR Rahman એ 30 વર્ષના લગ્નજીવન ઉપર આ હસીનાના કારણે લગાવ્યું પૂર્ણવિરામ