Stock Market Crash: સેન્સેક્સ 852 પોઈન્ટ તૂટ્યો, રોકાણકારોના આ કારણે ધોવાયા નાણાં

• Stock Market માં જોરદાર કડાકો: રોકાણકારોના ₹3 લાખ કરોડ ડૂબ્યા!
• સેન્સેક્સ 852 અને નિફ્ટી 205 પોઈન્ટ તૂટીને બંધ
• સતત બીજા દિવસે ભારતીય બજારમાં હાહાકારની સ્થિતિ
• ક્રૂડ ઓઈલના વધતા ભાવ અને વૈશ્વિક તણાવની માઠી અસર
• ઇન્ફોસિસ, HDFC બેંક અને ટ્રેન્ટના શેરમાં મોટું ગાબડું
• એક જ દિવસમાં રોકાણકારોની સંપત્તિમાં અધધ ધોવાણ

ભારતીય શેરબજાર (Stock Market) માટે ગુરુવારનો દિવસ અત્યંત નિરાશાજનક રહ્યો હતો. સપ્તાહના ચોથા કારોબારી દિવસે બજાર ખુલતાની સાથે જ પત્તાના મહેલની જેમ વિખેરાઈ ગયું હતું. દિવસભર ચાલેલી ભારે વેચવાલીને કારણે સેન્સેક્સ (Sensex) અને નિફ્ટી (Nifty) બંને લાલ નિશાનમાં બંધ રહ્યા હતા.

Stock Market ની સ્થિતિ કેવી રહીં

BSE સેન્સેક્સ 852.49 પોઈન્ટના મોટા ઘટાડા સાથે 77,664 ના સ્તર પર બંધ થયો હતો. તેવી જ રીતે, NSE નિફ્ટી પણ 205 પોઈન્ટ ગબડીને 24,173 ના લેવલ પર સ્થિર થઈ હતી. બજારમાં આ સતત બીજા દિવસે થયેલો મોટો ઘટાડો છે, જે રોકાણકારો માટે ચિંતાનો વિષય બન્યો છે.

Stock Market માં રોકાણકારોને મોટું નુકસાન

બજારના આ 'ભૂકંપ'માં સૌથી વધુ અસર સામાન્ય રોકાણકારો પર પડી છે. માત્ર એક જ દિવસમાં BSE લિસ્ટેડ કંપનીઓનું માર્કેટ કેપ (Market Cap) આશરે ₹3.01 લાખ કરોડ ઘટી ગયું છે. એટલે કે, રોકાણકારોની લાખો કરોડની સંપત્તિ ગણતરીના કલાકોમાં ધોવાઈ ગઈ છે.

ટોપ લૂઝર્સ શેર્સ

ઘટાડાની આ લહેરમાં ટાટાની ટ્રેન્ટ (Trent) 4.21% તૂટી હતી. આ ઉપરાંત M&M, ઇન્ફોસિસ (Infosys), HDFC બેંક અને ટેક મહિન્દ્રા જેવી દિગ્ગજ કંપનીઓના શેરમાં પણ મોટું ગાબડું પડ્યું હતું. સ્મોલકેપમાં IIFL નો શેર 10% થી વધુ તૂટ્યો હતો.

ઘટાડાના મુખ્ય કારણો

બજાર તૂટવા પાછળનું મુખ્ય કારણ ક્રૂડ ઓઈલ (Crude Oil) ના ભાવમાં થયેલો વધારો માનવામાં આવે છે. હોર્મુઝ સ્ટ્રેટમાં ચાલી રહેલા તણાવને કારણે બ્રેન્ટ ક્રૂડ 103 ડોલરને પાર કરી ગયું છે. સાથે જ ગ્લોબલ માર્કેટ (Global Market) માંથી મળેલા નકારાત્મક સંકેતોએ પણ બજારના સેન્ટિમેન્ટને બગાડ્યું છે.

આ પણ વાંચો: Palanpur ની ધણીયાણા દૂધમંડળીમાં ચેરમેન અને મંત્રી વચ્ચે મારામારી થતા મામલો બિચકયો