Surat : મેફેડ્રોન ડ્રગ્સ કેસમાં ત્રણ આરોપીને કોર્ટે સંભળાવી 20 વર્ષની સજા, વર્ષ 2022માં સચિન કપ્લેથા ચેક પોસ્ટ પાસેથી ઝડપાયું હતુ ડ્રગ્સ

વર્ષ 2022માં સચિન કપ્લેથા ચેકપોસ્ટ પરથી ઝડપાયું હતું ડ્રગ્સ

વર્ષ 2022માં સુરત શહેર સ્પેશિયલ ઓપરેશન ગ્રુપ (SOG)ની ટીમને મુંબઈથી સુરત તરફ કારમાં ડ્રગ્સનો મોટો જથ્થો સપ્લાય થવાનો હોવાની ગુપ્ત માહિતી મળી હતી.

આ બાતમીના આધારે SOGની ટીમે સચિન કપ્લેથા ચેકપોસ્ટ પાસે વોચ ગોઠવી હતી. તપાસ દરમિયાન ત્યાંથી પસાર થતી એક શંકાસ્પદ કારને અટકાવી તેની તલાશી લેવામાં આવતા પોલીસ પણ ચોંકી ઉઠી હતી. કારમાંથી આશરે 59 લાખ રૂપિયાની કિંમતનું પ્રતિબંધિત મેફેડ્રોન (MD) ડ્રગ્સ મળી આવ્યું હતું.

મુંબઈ ટુ સુરત ડ્રગ્સ સિન્ડિકેટનો પર્દાફાશ

પોલીસે ઘટનાસ્થળેથી કારમાં સવાર અઝરુદ્દીન ઉર્ફે કેલા, રિઝવાન ઉર્ફે સ્માર્ટી, મોહમ્મદ તોહિદ અને ઇમરોજ નામના શખ્સોને ડ્રગ્સના જથ્થા સાથે ઝડપી પાડી જેલના સળિયા પાછળ ધકેલી દીધા હતા.

પોલીસની સઘન પૂછપરછમાં સામે આવ્યું હતું કે આ ડ્રગ્સનું નેટવર્ક મુંબઈ સુધી ફેલાયેલું હતું. મુંબઈના વોન્ટેડ આરોપીઓ મઝહર પઠાણ અને મોઇન પઠાણ આ ડ્રગ્સનો જથ્થો મુંબઈથી લાવ્યા હતા. આ જથ્થો સુરતના સ્થાનિક પેડલર્સ અને ગ્રાહકો સુધી પહોંચાડવાનો હતો.

આ પણ વાંચો : Ahmedabad Crime Branch ની ટીમ પર હુમલો કરનાર કલીમ ભૈયાની ક્રાઈમ કુંડળી વાંચો, આટલા પોલીસ સ્ટેશનમાં નોંધાયા છે ગુના