Surat Heavy Rain: સમગ્ર સુરત જિલ્લામાં જળબંબાકારની સ્થિતી, પલસાણામાં સૌથી વધુ 6 ઇંચ વરસાદ

સૌથી વધુ નુકસાન પલસાણા વિસ્તારમાં

આ ભારે વરસાદ (Surat District Rain) દરમિયાન સૌથી વધુ નુકસાન કે પ્રભાવ પલસાણા (Palsana) વિસ્તારમાં જોવા મળ્યો છે, જ્યાં મેઘરાજાએ હેત વરસાવતા સૌથી વધુ 6 ઇંચ વરસાદ નોંધાયો છે. પલસાણા ઉપરાંત બારડોલી (Bardoli) અને મહુવા (Mahuwa) તાલુકામાં પણ મેઘરાજાએ ઘાતક બેટિંગ કરી છે અને બંને જગ્યાએ અંદાજે 5-5 ઇંચ જેટલો ભારે વરસાદ ખાબક્યો છે. આ અનરાધાર પાણીના પ્રવાહથી ખેતરો અને નીચાણવાળા વિસ્તારોમાં પાણી ભરાઈ ગયા છે.

Surat: અંબિકા વિસ્તારમાં પણ 4 ઇંચથી વધુ વરસાદ

જિલ્લાના અન્ય વિસ્તારોની વાત કરીએ તો અંબિકા (Ambika) વિસ્તારમાં પણ 4 ઇંચથી વધુ વરસાદ નોંધાયો છે, જેના કારણે સ્થાનિક નદી-નાળાઓ બે કાંઠે વહેવા લાગ્યા છે. આ સિવાય ઉમરપાડા (Umarpada) અને કામરેજ (Kamrej) માં 2 ઇંચ, સુરત સિટી (Surat City) વિસ્તારમાં 1.5 ઇંચ તેમજ માંડવી (Mandvi) અને ચોર્યાસી (Choryasi) તાલુકામાં 1 ઇંચ જેટલો વરસાદ નોંધાયો છે. સતત વરસી રહેલા આ સાર્વત્રિક વરસાદને પગલે વહીવટી તંત્ર પણ એલર્ટ થઈ ગયું છે અને સ્થિતિ પર સતત નજર રાખી રહ્યું છે.

આ પણ વાંચો: Surat: આરોપીની જાહેરમાં સરભરા કરનાર DCP મુશ્કેલીમાં, વકીલની રજૂઆત બાદ હાઈકોર્ટનો સુઓમોટો