Surat: લિંબાયતમાં આસિફ ખાનની સરાજાહેર હત્યાનો મામલો, પોલીસે ગણતરીના કલાકોમાં 3 આરોપીઓને દબોચ્યા
- Surat ના લિંબાયતમાં આસિફ ખાનની હત્યાનો ભેદ ઉકેલાયો
- લિંબાયત પોલીસે હત્યામાં સામેલ ત્રણ આરોપીઓની કરી ધરપકડ
- રૂપિયાની લેતીદેતીમાં અદાવત રાખી સરાજાહેર કરી હતી હત્યા
- કલીમુદ્દીન સિદ્દીકી અને તેના બે સાગરીતો પોલીસના સકંજામાં
- આરોપીઓએ પૂર્વ આયોજિત કાવતરું ઘડી ચપ્પુના ઘા ઝીંક્યા હતા
- સીસીટીવી અને બાતમીદારોની મદદથી પોલીસે ગણતરીના કલાકોમાં પાડ્યા દરોડા
સુરત (Surat) શહેરના લિંબાયત વિસ્તારમાં તાજેતરમાં થયેલી આસિફ ખાન ઈસરત ખાન પઠાણ (Asif Khan) ની ઘાતકી હત્યાના કેસમાં પોલીસે મોટી સફળતા મેળવી છે. લિંબાયત પોલીસે આ મામલે તપાસનો ધમધમાટ તેજ કરી હત્યામાં સામેલ મુખ્ય ત્રણ આરોપીઓની ધરપકડ (Arrest) કરી લીધી છે. પકડાયેલા આરોપીઓમાં કલીમુદ્દીન શાહબુદ્દીન સિદ્દીકી, મોહમ્મદ દિલશાદ સલમાની અને મોહમ્મદ સહજાદ સિદ્દીકીનો સમાવેશ થાય છે.
સરાજાહેર ચપ્પુના ઘા ઝીંકી હત્યા કરી હતી.
ઘટનાની વિગતો મુજબ, આરોપીઓએ આસિફ ખાન પર સરાજાહેર ચપ્પુના ઘા ઝીંકી તેને મોતને ઘાટ ઉતારી દીધો હતો. આ ઘટના બાદ સમગ્ર વિસ્તારમાં ભયનો માહોલ ફેલાયો હતો. પોલીસની પ્રાથમિક તપાસમાં બહાર આવ્યું છે કે મૃતક આસિફ અને આરોપીઓ વચ્ચે લાંબા સમયથી રૂપિયાની લેતીદેતી (Financial Transactions) મામલે રકઝક ચાલતી હતી. આ નાણાકીય વિવાદ એટલો ઉગ્ર બન્યો હતો કે આરોપીઓએ આસિફને રસ્તામાં આંતરીને તેના પર હુમલો કર્યો હતો.
Surat: ઝઘડાની જૂની અદાવત રાખીને કાવતરુ
ઝઘડાની જૂની અદાવત રાખીને આરોપીઓએ પૂર્વ આયોજિત કાવતરું ઘડી હત્યાકાંડ (Murder Conspiracy) ને અંજામ આપ્યો હોવાનો ખુલાસો થયો છે. લિંબાયત પોલીસે સીસીટીવી ફૂટેજ અને ટેકનિકલ સર્વેલન્સના આધારે ત્રણેય શખ્સોને ઝડપી પાડી જેલના સળિયા પાછળ ધકેલી દીધા છે. હાલ પોલીસ આ મામલે વધુ પુરાવા એકત્ર કરી રહી છે જેથી આરોપીઓને કડકમાં કડક સજા અપાવી શકાય.
આ પણ વાંચો: Premanand Maharaj ના ધામમાં પહોંચ્યા કૈલાશ ખેર, ભજન ગાતા વાહવાહી