Surat : તાજિયા વિસર્જનને લઈ પોલીસ એલર્ટ મોડ પર, સંવેદનશીલ વિસ્તારોમાં સઘન પેટ્રોલિંગ અને સુરક્ષા વ્યવસ્થાની સમીક્ષા

તહેવાર દરમિયાન કોઈ અનિચ્છનીય ઘટના ન બને તે માટે ખાસ નજર રાખવામાં આવી રહી છે. સંવેદનશીલ વિસ્તારોમાં પોલીસનું સઘન પેટ્રોલિંગ ચાલુ છે અને સુરત પોલીસનો જનસુરક્ષા માટે વિશ્વાસ વધારતો પ્રયાસ.

શાંતિપૂર્ણ તાજિયા પર્વ માટે પોલીસ સજ્જ

તહેવારો દરમિયાન કાયદો અને વ્યવસ્થાની સ્થિતિ વધુ સુદ્રઢ બને અને કોઈ અનિચ્છનીય બનાવ ન બને તેવા હેતુથી પોલીસ દ્વારા સંવેદનશીલ વિસ્તારોમાં એક વિશાળ અને ફૂટ પેટ્રોલિંગનું આયોજન કરવામાં આવ્યું હતું.

પોલીસના ઉચ્ચ અધિકારીઓ સહિતના કાફલાએ રસ્તાઓ પર ઉતરીને અસામાજિક તત્વોને કડક સંદેશ આપ્યો છે. ઝોન-3 વિસ્તારમાં પોલીસ દ્વારા સઘન કોમ્બિંગ અને ફૂટ પેટ્રોલિંગ હાથ ધરવામાં આવ્યું હતું.

તાજીયા વિસર્જનના સમગ્ર રૂટની ઝીણવટભરી સમીક્ષા કરાઈ

આ ફૂટ પેટ્રોલિંગ મોતી ટોકીઝ ચાર રસ્તાથી શરૂ થઈને ઝાંપા બજાર ચાર રસ્તા, નવાપુરા ટાવર, રાજમાર્ગ થઈ ભાગળ ચાર રસ્તા, જૂની લાલગેટ ત્રણ રસ્તા, ફાયદાબજાર ચાર રસ્તા, ક્રાઉન ડેરી ત્રણ રસ્તા, મુગલીસરા SMC ઓફીસ અને વરીયાવી બજાર પોલીસ ચોકી થઈને હોળી બંગલા ત્રણ રસ્તા તથા હોળી બંગલા કોહીનુર એપાર્ટમેન્ટ સામે આવેલી નગર પ્રાથમિક શાળા નં.107/108 સુધી યોજાયું હતું.

આ પણ વાંચો : Bhavnagar : કેરીની સુગંધથી મહેક્યું સ્વામિનારાયણ મંદિર, નિર્જળા એકાદશીએ ભગવાનને કરાયો વિશેષ અન્નકૂટ