Surat : ડિજિટલ એરેસ્ટમાં ખોટી કોર્ટ ઊભી કરીને સજા સંભળાવી, 62 વર્ષીય વૃદ્ધને પોલીસે બચાવ્યા

અમિતભાઈને એક અજાણ્યા નંબર પરથી ફોન આવ્યો અને કોલરે પોતાને મુંબઈ ક્રાઇમ બ્રાન્ચનો અધિકારી ગણાવ્યો હતો. તેમણે કહ્યું કે, “તમારા નામે 5 કરોડની મની લોન્ડરિંગ થઈ છે. તમારા મ્યુચ્યુઅલ ફંડના 46 લાખ રૂપિયા પણ આ કેસમાં ફસાયા છે.” પછી તેમને વીડિયો કોલ પર લઈ જવામાં આવ્યા અને ખોટા દસ્તાવેજો, પોલીસ યુનિફોર્મવાળા ફોટા તથા નકલી કોર્ટનું નાટક રચીને ડરાવવામાં આવ્યા હતો. ઠગોએ તેમને ઘરની બહાર ન નીકળવા અને કોઈને ફોન ન કરવાની સખત મનાઈ ફરમાવી હતી.

આ દરમિયાન ઠગોએ અમિતભાઈને તેમના બૅન્ક ખાતા, મ્યુચ્યુઅલ ફંડની વિગતો અને OTP મંગાવવાનો પ્રયાસ કર્યો. પરંતુ અમિતભાઈને શંકા જાગી અને તેમણે ગુપ્ત રીતે પોતાના પરિચિતને મેસેજ મોકલી દીધો. પરિચિતે તુરંત વરાછા પોલીસ સ્ટેશને જાણ કરી હતી.

સુરતમાં ડિજિટલ એરેસ્ટમાં ફસાયેલા મનપાના પૂર્વ કર્મચારીને પોલીસે છોડાવ્યા
લાઇવ ડિજિટલ એરેસ્ટ ચાલુ હતું ત્યારે પોલીસ ઘરે પહોંચી
ઠગોએ મ્યુચ્યુઅલ ફંડના રૂ. 46 લાખનો હિસાબ માંગ્યો હતો
ખોટા દસ્તાવેજોનો ઉપયોગ કરી ડિજિટલ એરેસ્ટ કરવામાં આવ્યું હતું
5 કરોડની મની લોન્ડરિંગનો આરોપ મૂકી… pic.twitter.com/t6kR3Et8Px

— Gujarat First (@GujaratFirst) November 20, 2025

વરાછા પોલીસ ઇન્સ્પેક્ટરની ટીમે તુરંત એક્શનમાં આવી ગઈ અને તરત જ અમિતભાઈના ઘરે પહોંચી ગઈ. જ્યારે પોલીસ ઘરમાં દાખલ થઈ ત્યારે પણ વીડિયો કોલ ચાલુ હતો અને ઠગો ધમકી આપી રહ્યા હતા. પોલીસે અમિતભાઈને સમજાવ્યા અને તેમને આ ઠગાઈ હોવાની ખાતરી આપીને તેમને છોડાવ્યા હતા.

પોલીસે જણાવ્યું કે, “આ પ્રકારની ડિજિટલ એરેસ્ટની ઘટનાઓમાં ઠગો ખૂબ જ શાતિર રીતે નકલી કોર્ટ, નકલી પોલીસ સ્ટેશન અને ખોટા દસ્તાવેજોનો ઉપયોગ કરે છે. લોકોએ કોઈ પણ અજાણ્યા નંબર પરથી આવતા આવા ધમકીભર્યા ફોન પર વિશ્વાસ ન કરવો જોઈએ.”

આ પણ વાંચો- Chhota Udepur : ના હોય..! 3 દિવસ પહેલા બીમારીથી શખ્સનું મોત, આત્મા લેવા માટે પરિવારજનોએ..!