Surat: સચિનમાં જીવના જોખમે સાપ સાથે મસ્તી કરવી યુવકને પડી ભારે, વીડિયો જોઈ રૂંવાડા ઉભા થઈ જશે
- Surat માં સાપ સાથેના જોખમી ખેલમાં યુવક લપેટાયો!
- સચિન વિસ્તારની ભરવાડ ચાલમાં સાપ પકડતા યુવકને પડી ભારે
- કોઈ પણ અનુભવ વગર સાપ સાથે મસ્તી કરવી મોંઘી પડી
- ગુસ્સે ભરાયેલા સાપે યુવકના પગ પર ડંખ માર્યો
- સમગ્ર ઘટનાનો ચોંકાવનારો વીડિયો સોશિયલ મીડિયામાં વાયરલ
- બિનઝેરી સાપ હોવાના કારણે યુવકનો ચમત્કારિક બચાવ થયો
Surat: હીરા નગરી સુરતના સચિન (Sachin) વિસ્તારમાં એક વિચિત્ર અને જોખમી ઘટના સામે આવી છે. રહેણાંક વિસ્તારમાં ઘુસી આવેલા સાપને પકડવા જતાં એક યુવકને સાપે ડંખ માર્યો હતો. આ સમગ્ર ઘટનાનો વીડિયો (Viral Video) હાલ સોશિયલ મીડિયા પર વાયુવેગે વાયરલ થઈ રહ્યો છે, જે વન્યજીવો સાથે છેડછાડ ન કરવાની ગંભીર ચેતવણી પૂરી પાડે છે.
Viral Video: સુરતના સચિનમાં સાપના હુમલાની લાઈવ ઘટના કેમેરામાં કેદ, યુવકનો આબાદ બચાવ#Surat #Sachin #SnakeBite #ViralVideo #SafetyFirst #Wildlife #GujaratNews #BreakingNews #SnakeAttack #PublicAwareness #SuratCity
Surat snake bite news, Sachin snake viral video, Jashes Bharwad… pic.twitter.com/yTC4sIeSW9— Gujarat First (@GujaratFirst) May 14, 2026
Surat: અનુભવ વગર સાહસ પડ્યું મોંઘું
મળતી માહિતી મુજબ, સચિન વિસ્તારમાં આવેલી ભરવાડ ચાલમાં અચાનક એક સાપ (Snake) ઘુસી આવ્યો હતો. સાપ દેખાતા જ લોકોમાં ફફડાટ ફેલાયો હતો, પરંતુ સ્થાનિક યુવક જશેશ ભરવાડે કોઈ પણ પ્રકારના અનુભવ કે તાલીમ વગર સાપને પકડવાનો પ્રયાસ કર્યો હતો. જશેશ સાપ સાથે મસ્તીના મૂડમાં હતો અને તેને પકડવાની કોશિશ કરી રહ્યો હતો, ત્યારે જ ગુસ્સે ભરાયેલા સાપે યુવક પર વળતો હુમલો (Snake Attack) કર્યો અને તેના પગ પર ડંખ માર્યો હતો.
View this post on Instagram
બિનઝેરી સાપ હોવાથી ટળ્યું મોટું જોખમ
સદનસીબે, જે સાપે જશેશને બચકું ભર્યું હતું તે બિનઝેરી (Non-Venomous Snake) હોવાનું જાણવા મળ્યું છે. જો સાપ ઝેરી હોત તો યુવકનો જીવ જોખમમાં મુકાઈ શકતો. આ ઘટના બાદ યુવકને તાત્કાલિક સારવાર અપાઈ હતી અને હાલ તેની તબિયત સુધારા પર છે.
સોશિયલ મીડિયા પર પ્રતિક્રિયાઓ
ઘટનાનો વીડિયો વાયરલ થતાં લોકોમાં રોષ જોવા મળી રહ્યો છે. વન્યજીવ નિષ્ણાતોનું કહેવું છે કે સાપ કે અન્ય કોઈ પણ જાનવરને જોયા બાદ તાત્કાલિક વન વિભાગ (Forest Department) અથવા રેસ્ક્યુ ટીમનો સંપર્ક કરવો જોઈએ. સોશિયલ મીડિયા પર વાહવાહી મેળવવા કે મસ્તી કરવા માટે આવા ખતરનાક પ્રાણીઓ સાથે ખેલ કરવો જીવલેણ સાબિત થઈ શકે છે.
આ પણ વાંચો: Rajkot: ધોરાજીના સુપેડીમાં સંતના અપમાનનો મામલો ગરમાયો, સાધુ સમાજના શક્તિ પ્રદર્શનથી તંત્ર દોડતું થયું