Surat : 'તેરા તુઝકો અર્પણ' કાર્યક્રમ હેઠળ લૂંટાયેલા રૂ.35 લાખ વેપારીઓને સોંપાયા, સુરત પોલીસની નિષ્ઠાવાન કામગીરી

સુરત પોલીસ કમિશનર અનુપમસિંહ ગેહલોત દ્વારા પોતાના હસ્તે આ જપ્ત કરાયેલી રકમ વેપારીઓને અર્પણ કરવામાં આવી હતી.

ગુનાનો ભેદ અને તપાસ કરાઈ હતી

રાંદેર વિસ્તારમાં બનેલી આ લૂંટની ઘટનાએ વેપારી આલમમાં ફફડાટ ફેલાવી દીધો હતો. જોકે, સુરત ક્રાઇમ બ્રાન્ચ અને રાંદેર પોલીસની ટીમે આ કેસને અત્યંત ગંભીરતાથી લઈ આરોપીઓને ટૂંકા ગાળામાં ઝડપી પાડ્યા હતા.

પોલીસની તપાસમાં આરોપીઓ પાસેથી લૂંટાયેલી પૂરેપૂરી રકમ મળી આવી હતી. ત્યારબાદ કોર્ટની પ્રક્રિયા પૂર્ણ કરી અને કોર્ટના હુકમનામા મુજબ આ રકમ વેપારીઓને સોંપવાનો નિર્ણય લેવાયો હતો.

વેપારીઓમાં સંતોષની લાગણી

જ્યારે આ રકમ વેપારીઓને પરત મળી, ત્યારે તેમના ચહેરા પર ખુશી અને સંતોષ સ્પષ્ટપણે જોવા મળતા હતા. વેપારીઓએ સુરત પોલીસનો આભાર વ્યક્ત કરતા જણાવ્યું હતું કે, "અમને આશા નહોતી કે લૂંટાયેલી આટલી મોટી રકમ આટલી જલ્દી અને સંપૂર્ણપણે પરત મળી શકશે.

પોલીસની આ કાર્યક્ષમતા અને સંવેદનશીલતા ખરેખર પ્રશંસનીય છે." આ ઘટના સુરત પોલીસની કાયદા-વ્યવસ્થા પ્રત્યેની પ્રતિબદ્ધતા અને નાગરિકોના વિશ્વાસને વધુ મજબૂત બનાવે છે. પોલીસ કમિશનર અનુપમસિંહ ગેહલોતની દેખરેખ હેઠળ થયેલી આ કામગીરી અન્ય જિલ્લાઓ માટે પણ એક આદર્શ દાખલો બની છે.

આ પણ વાંચો : Vadodara : વાઘોડિયા ફાયરિંગ કેસનો ભેદ ઉકેલાયો, વેપારીની હત્યાના ઇરાદે સમગ્ર કાવતરું ઘડાયું હોવાનું તપાસમાં સામે આવ્યું