અમદાવાદ પછી Surat પોલીસ કર્મીઓની દાદાગીરીનો વીડિયો વાયરલ, દુકાનદારને માર્યો માર

Surat દુકાનદાર અને તેના કર્મચારીને પોલીસકર્મીએ માર્યો માર

ઘટનાની વિગતો અનુસાર, રાત્રે 12 વાગ્યા આસપાસ દુકાન ખુલ્લી રાખવાના મુદ્દે પોલીસ અને દુકાનદાર વચ્ચે બોલાચાલી થઈ હતી. આ બોલાચાલી માથાકૂટમાં ફેરવાઈ અને પોલીસ કર્મીઓએ દુકાનદાર તેમજ તેના કર્મચારીને માર માર્યો હોવાનો આરોપ છે. વીડિયોમાં પોલીસ જવાનોની આ કાર્યવાહી સ્પષ્ટ દેખાઈ રહી છે, જેના કારણે પોલીસ વિભાગની કામગીરી પર સવાલો ઊઠ્યા છે.

Advertisement

સમગ્ર મામલે ACP દ્વારા તપાસના આદેશ આપ્યા

વાયરલ વીડિયોને પગલે ACP આર.વી. મલ્હોત્રાએ તાત્કાલિક તપાસના આદેશ આપ્યા છે. ACPએ જણાવ્યું કે, "તપાસ પૂર્ણ થયા બાદ જો કસૂરવાર જણાશે તો તેમની સામે કડક પગલાં લેવામાં આવશે." આ મામલે વધુ તપાસ ચાલુ છે અને વીડિયોની સત્યતા તપાસવામાં આવી રહી છે. આવી ઘટનાઓ પોલીસ વિભાગની છબીને અસર કરે છે અને નાગરિકોમાં રોષ ફેલાવે છે. પોલીસે કાયદાનું પાલન કરાવવા માટે સતર્કતા અને સંયમ જાળવવો જરૂરી છે.

સુરતમાં પોલીસ કર્મીઓની દાદાગીરીનો વીડિયો વાયરલ
દુકાનદાર અને તેના કર્મચારીને પોલીસકર્મીએ માર્યો માર
સમગ્ર મામલે ACP દ્વારા તપાસના આદેશ આપ્યા
2 દિવસ પહેલાનો વીડિયો: ACP, આર.વી.મલ્હોત્રા
"તપાસ બાદ કસૂરવાર સામે પગલાં ભરવામાં આવશે"
રાત્રિના 12 વાગ્યે દુકાન ખુલ્લી રાખવા બાબતે માથાકૂટ… pic.twitter.com/3FNJFEVLpN

— Gujarat First (@GujaratFirst) December 20, 2025

અમદાવાદ પાલડી વિસ્તારમાં મહિલા સાથે પોલીસ હેડકોન્સ્ટેબલ દ્વારા કરેલી મારામારી અંગે પણ ઉચ્ચ અધિકારીઓએ નોંધ લઈને તપાસ આરંભી છે. જણાવી દઈએ કે, નાયબ મુખ્યમંત્રી હર્ષભાઈ સંઘવીએ ટૂંક સમય પહેલા જ પોલીસને ગુનેગારો સામે કડક કાર્યવાહી કરવા માટે ખુલ્લૌ દૌર આપતું નિવેદન આપ્યું છે, પરંતુ સાથે-સાથે જનતા સાથે મિત્રતાપૂર્ણ વ્યવહાર કરવાનો પણ સંદેશ આપી દીધો છે. તેથી જનતા સાથે ખરાબ વર્તન કરનારા પોલીસ કર્મચારીઓને પણ દંડવામાં આવી શકે છે.

આ પણ વાંચો- Dahod : ફૂડ વિભાગનું સરપ્રાઇઝ ચેકિંગ, ભેળસેળયુક્ત વસ્તુઓનું વેચાણ કરતા વેપારીઓમાં ફફડાટ!