Tapi મા મેઘમહેર, ડોસવાડા ડેમ છલકાયો, આકાશી દ્રશ્યોમાં કેદ થયું અદભૂત સૌંદર્ય

તાપીનો ડોસવાડા ડેમ ઓવરફ્લો

જોકે, ડેમ ઓવરફ્લો થવાની સાથે વહીવટી તંત્ર પણ સંપૂર્ણ સતર્ક બની ગયું છે. ડેમની નીચેના ભાગમાં આવેલા અને નદી કિનારે વસવાટ કરતા ગામોના લોકોને સાવચેતીના ભાગરૂપે એલર્ટ કરવામાં આવ્યા છે. ડેમમાંથી પાણી છોડવામાં આવતા નદીના જળસ્તરમાં વધારો થવાની સંભાવના હોવાથી લોકોને નદીના પટમાં ન જવા માટે સૂચના આપવામાં આવી છે.

તાપી જિલ્લામાં છેલ્લા કેટલાક દિવસોથી પડી રહેલા વરસાદને કારણે જળાશયોમાં નવા નીરની આવક થઈ છે, જેના કારણે ખેડૂતોમાં પણ આનંદની લાગણી જોવા મળી રહી છે. ડેમ ઓવરફ્લો થતા પાણીનો પ્રવાહ ખળખળ વહેતો જોઈને કુદરતી સૌંદર્યમાં ચાર ચાંદ લાગી ગયા છે. સ્થાનિક વહીવટી તંત્ર અને સિંચાઈ વિભાગની ટીમ દ્વારા ડેમની પરિસ્થિતિ પર સતત નજર રાખવામાં આવી રહી છે.

ડેમ ઓવરફ્લો થતા જ નદીકાંઠાના ગામોને એલર્ટ કરાયા

આ ઓવરફ્લો થતા ડેમનો નજારો માત્ર તાપી જિલ્લાના જ નહીં, પરંતુ આસપાસના જિલ્લાના લોકો માટે પણ આકર્ષણનું કેન્દ્ર બન્યો છે. વરસાદની આ મહેરને કારણે આવનારા દિવસોમાં પાણીની સમસ્યા હળવી થવાની આશા સેવાઈ રહી છે, સાથે જ પ્રકૃતિની આ ભવ્યતા સૌ કોઈને રોમાંચિત કરી રહી છે.

આ પણ વાંચો : Morbi ના હળવદમાં ખેડૂતોનો આક્રોશ, વીજળીના ધાંધીયા સામે પીજીવીસીએલ કચેરીમાં કર્યો હલ્લાબોલ