Terror in PAK: પાકિસ્તાનમાં વધુ એક હાઇપ્રોફાઇલ હત્યા, ક્વેટામાં જમિયતના મુફ્તી અબ્દુલ પર ગોળીબાર

• પાકિસ્તાનના ક્વેટામાં વધુ એક હાઇપ્રોફાઇલ હત્યાકાંડને અંજામ આપવામાં આવ્યો
• વરિષ્ઠ નેતાની અજાણ્યા હુમલાખોરોએ ગોળી મારીને હત્યા કરી દીધી
• સુરક્ષા દળોએ આ હુમલાની તપાસ શરૂ કરી દીધી છે

Terror in PAK: પાકિસ્તાનના ક્વેટામાં વધુ એક હાઇપ્રોફાઇલ હત્યાકાંડને અંજામ આપવામાં આવ્યો છે. જમિયત ઉલેમા-એ-ઇસ્લામ (JUI) ના એક વરિષ્ઠ નેતાની અજાણ્યા હુમલાખોરોએ ગોળી મારીને હત્યા કરી દીધી છે. આ ઘટના ક્વેટાના એરપોર્ટ રોડ પર બની હતી. હુમલાખોરોએ જમિયતના નેતા મુફ્તી અબ્દુલ બાકી નૂરઝાઈ પર ગોળીબાર કર્યો હતો. પોલીસનું કહેવું છે કે આ હુમલામાં તે ગંભીર રીતે ઘાયલ થયા હતા, ત્યારબાદ તેમને હોસ્પિટલમાં લઈ જવામાં આવ્યા હતા. હોસ્પિટલ સત્તાવાળાઓએ પુષ્ટિ આપી કે મુફ્તીનું ગંભીર ઇજાઓને કારણે મૃત્યુ થયું છે. સુરક્ષા દળોએ આ હુમલાની તપાસ શરૂ કરી દીધી છે.

બલૂચ લિબરેશન આર્મી (BLA) એ 90 પાકિસ્તાની સૈનિકોના મોતનો દાવો કર્યો

તમને જણાવી દઈએ કે પાકિસ્તાનમાં છેલ્લા કેટલાક સમયથી સતત આતંકવાદી હુમલા થઈ રહ્યા છે. રવિવારે ક્વેટાથી તફ્તાન જઈ રહેલા સેનાના કાફલા પર આતંકવાદી હુમલો થયો હતો, જેમાં સાત સૈનિકો માર્યા ગયા હતા જ્યારે 21 ઘાયલ થયા હતા. આ હુમલાની જવાબદારી લેતા, બલૂચ લિબરેશન આર્મી (BLA) એ 90 પાકિસ્તાની સૈનિકોના મોતનો દાવો કર્યો હતો.

BLA એ તેના સૌથી ઘાતક લડવૈયાઓ માજીદ બ્રિગેડ અને ફતેહને તૈયાર કર્યા હતા

અગાઉ, 11 માર્ચે, ક્વેટાથી પેશાવર જઈ રહેલી જાફર એક્સપ્રેસને BLA બળવાખોરોએ હાઇજેક કરી લીધી હતી. આ ટ્રેન બપોરે 1.30 વાગ્યે સિબ્બી પહોંચવાની હતી. પરંતુ હુમલો બોલાનના મશફાક ટનલમાં થયો હતો. આ હુમલો BLA દ્વારા સંપૂર્ણ આયોજન સાથે કરવામાં આવ્યો હતો. BLA લડવૈયાઓ પહેલેથી જ રાહ જોઈ રહ્યા હતા. હુમલા માટે, BLA એ તેના સૌથી ઘાતક લડવૈયાઓ માજીદ બ્રિગેડ અને ફતેહને તૈયાર કર્યા હતા.

આ પણ વાંચો: Weather Today : ઉનાળો આવી ગયો છે છતાં આ રાજ્યોમાં ભારે પવન અને વીજળી પડવાની ચેતવણી