Terrorist Attack: તૂર્કીની રાજધાનીમાં મોટો આતંકી હુમલો,અનેક લોકોના મોતની આશંકા

• તૂર્કીની રાજધાની અંકારામાં આતંકવાદી હુમલો
• હુમલામાં અનેક લોકોના મોત થયા
• કંપની TUSASના પરિસર પર કર્યો હુમલો

Terrorist Attack in Turkey : તૂર્કીની ( Turkey)રાજધાની અંકારામાં મોટો આતંકવાદી હુમલો (Terrorist Attack )થયો છે. જેમાં અનેક લોકોના મોત થયા હોવાના સમાચાર મળી છે. તૂર્કીના આંતરિક મંત્રીનું કહેવું છે કે, તૂર્કી એરોસ્પેસ અને રક્ષા કંપની TUSASના પરિસર પર હુમલા બાદ અનેક લોકોના મોત અને કેટલાક ઈજાગ્રસ્ત થયા છે.

આ હુમલાની કેટલીક તસવીરો પણ સામે આવી છે. જેમાં જોઈ શકાય છે કે ટર્કિશ એરોસ્પેસ ઈન્ડસ્ટ્રીઝ (TAI)ના એન્ટ્રી ગેટની સામે ધુમાડાના મોટા વાદળો દેખાઈ રહ્યા છે. તે રાજધાનીથી લગભગ 40 કિમી દૂર સ્થિત છે. સ્થાનિક મીડિયા અનુસાર ગોળીબારનો અવાજ સંભળાયો હતો.

તુર્કીના ગૃહ પ્રધાને  શું કહ્યું

તુર્કીના ગૃહ પ્રધાન અલી યર્લિકાયાએ સોશિયલ મીડિયા પર કહ્યું: "અંકારાના કહરામાનકાકઝાનમાં TÜSAS સુવિધાઓ પર આતંકવાદી હુમલો કરવામાં આવ્યો હતો. કમનસીબે, આ હુમલામાં અમારા ઘણા લોકો શહીદ થયા હતા અને ઘાયલ પણ થયા હતા." વિસ્ફોટ અને ત્યારપછીના ગોળીબારનું કારણ અસ્પષ્ટ છે, કેટલાક મીડિયા અહેવાલોમાં દાવો કરવામાં આવ્યો છે કે તે આત્મઘાતી હુમલો હતો. રાજ્યની માલિકીની અનાદોલુ એજન્સીએ અહેવાલ આપ્યો છે કે કટોકટી સેવાઓને ઘટના સ્થળે રવાના કરવામાં આવી હતી.

ફૂટેજમાં અથડામણ જોવા મળી રહી છે

તુર્કી પર હુમલા બાદ સમગ્ર દેશમાં ભયનો માહોલ છે. હજુ સુધી આ હુમલો કોણે કર્યો તેની કોઈ માહિતી નથી. ટેલિવિઝન ફૂટેજમાં ક્ષતિગ્રસ્ત ગેટ અને નજીકના પાર્કિંગમાં અથડામણ જોવા મળી હતી. આ હુમલો TUSAS ના સ્થળે થયો હતો, જે તુર્કીની સૌથી મહત્વપૂર્ણ સંરક્ષણ અને ઉડ્ડયન કંપનીઓમાંની એક છે. અન્ય પ્રોજેક્ટ્સમાં તે દેશના પ્રથમ રાષ્ટ્રીય ફાઇટર એરક્રાફ્ટ KAANનું ઉત્પાદન કરે છે