થાઈલેન્ડ જતાં પહેલાં દારૂ પીવાનો નિયમ જાણી લો,નહીંતર ભરવો પડશે મોટો દંડ!
- Thailand Alcohol Ban :થાઇલેન્ડમાં દારૂ પીવાના કડક નિયમો કર્યા લાગુ
- નિયમનો ઉલ્લંઘન કરના સામે થશે દંડની કાર્યવાહી
- થાઇલેન્ડમાં આ નિયમ 8 નવેમ્બરથી કરાયો લાગુ
દુનિયાના સુંદર દરિયાકિનારા, આકર્ષક સ્ટ્રીટ ફૂડ અને જીવંત નાઈટલાઈફ માટે વિશ્વભરમાં જાણીતા થાઈલેન્ડે ( Thailand ) હવે તેના મહેમાનો અને પ્રવાસીઓ માટે દારૂના સેવન ( Thailand Alcohol Ban Rules) અંગે કડક નિયમો લાગુ કર્યા છે. આ નવા નિયમોનું ઉલ્લંઘન કરનારા કોઈપણ વ્યક્તિને ભારે દંડ ભરવો પડશે, જેના કારણે થાઈલેન્ડની મુલાકાતે આવતા દારૂ પ્રેમી પ્રવાસીઓ માટે મોટી સમસ્યા ઊભી થઈ છે.
થાઇલેન્ડમાં 8 નવેમ્બરથી દારૂબંધનીનો નિયમ કરાયો લાગુ
સુધારેલો આલ્કોહોલિક બેવરેજ કંટ્રોલ એક્ટ 8 નવેમ્બરથી અમલમાં આવ્યો છે. નવા નિયમો અનુસાર, થાઈલેન્ડમાં હવે બપોરે 2:00 વાગ્યાથી સાંજે 5:00 વાગ્યા સુધીના સમયગાળા દરમિયાન દારૂ પીવા પર સખત પ્રતિબંધ રહેશે. નિયમોનું ઉલ્લંઘન કરનારાઓને 10,000 બાહ્ટનો દંડ ફટકારવામાં આવશે, જે ભારતીય રૂપિયામાં આશરે ₹27,357 જેટલી મોટી રકમ થાય છે.
What is this new Law ??
Thailand now bans all alcohol sales from 2–5pm. Bars and restaurants face 10,000 baht fines if they break the rule. I usually drink later at night, but this seems extreme… 🍺🚨 pic.twitter.com/MAtoTd2iPZ— Repeat Traveler 🌍✈️ (@RepeatTravels) November 9, 2025
Thailand Alcohol Ban: નિયમ ઉલ્લંઘન પર દંડ ભરવો પડશે
આ આદેશ એટલો કડક છે કે, જો કોઈ વ્યક્તિ બપોરે 1:59 વાગ્યે બીયર ખરીદે અને 2:05 વાગ્યા સુધી તેને પીવાનું ચાલુ રાખે તો તેને પણ નિયમનું ઉલ્લંઘન ગણવામાં આવશે અને દંડને પાત્ર બનવું પડશે. સામાન્ય રીતે, પ્રવાસીઓ સ્ટ્રીટ ફૂડ સાથે કે તેમની સુવિધા મુજબ કોઈપણ સમયે દારૂનો આનંદ માણતા હોય છે, પરંતુ હવે આ નવી સમય મર્યાદાનું સખતપણે પાલન કરવું પડશે. આ નિર્ણયથી રેસ્ટોરન્ટ માલિકોની મુશ્કેલીઓમાં પણ વધારો થયો છે, જેમને વ્યવસાય ગુમાવવાનો ડર સતાવી રહ્યો છે.
નોંધનીય છે કે થાઈલેન્ડમાં આલ્કોહોલના વેચાણ અને સેવન પર અગાઉથી જ કેટલાક નિયંત્રણો અમલમાં હતા. અહીં દારૂના માર્કેટિંગ અને જાહેરાત પર નિયંત્રણો છે. આલ્કોહોલિક પીણાંની જાહેરાત પર પ્રતિબંધ મૂકવામાં આવ્યો છે, સિવાય કે તે સામગ્રી સંપૂર્ણપણે તથ્યપૂર્ણ હોય. આ ઉપરાંત, થાઈલેન્ડમાં સેલિબ્રિટીઝ પણ દારૂનું સમર્થન કે જાહેરાત કરી શકતા નથી. નવા કડક નિયમો થાઈલેન્ડના પ્રવાસીઓ માટે એક નવો પડકાર છે, જેને લીધે પ્રવાસનું આયોજન કરતી વખતે આ સમય મર્યાદાનું ખાસ ધ્યાન રાખવું પડશે.
આ પણ વાંચો: Brazil Tornado: બ્રાઝિલના પરાના રાજ્યમાં ટોર્નેડોએ ભારે તબાહી મચાવી, 6 લોકોના મોત 750 ઘાયલ