Parliament Security : સોશિયલ મીડિયાના પેજથી સંપર્કમાં આવ્યા આરોપીઓ
સંસદ પર આતંકવાદી હુમલાની વરસી પર બુધવારે થયેલ સુરક્ષા ભંગ 18 મહિનાના આયોજનનું પરિણામ હતું. હુમલાને અંજામ આપનારા તમામ આરોપીઓ અલગ-અલગ રાજ્યોના છે, પરંતુ તેઓ બધાની એક કોમન લિંક છે - 'ભગત સિંહ ફેન ક્લબ' નામનું સોશિયલ મીડિયા પેજ. આ ઘટના ત્યારે પ્રકાશમાં આવી જ્યારે લોકસભાની કાર્યવાહી દરમિયાન, બે લોકો પ્રેક્ષક ગેલેરીમાંથી ગૃહમાં કૂદી પડ્યા, સૂત્રોચ્ચાર કર્યા અને 'કેન' દ્વારા પીળો ધુમાડો ફેલાવ્યો. ઘટના બાદ તરત જ બંને ઝડપાઈ ગયા હતા.
તમામ અલગ-અલગ રાજ્યોના
દરમિયાન, સંસદની બહાર, નીલમ આઝાદ અને અમોલ શિંદેએ પીળા અને લાલ ધુમાડાના ડબ્બાનો ઉપયોગ કર્યો અને "સરમુખત્યારશાહી" વિરુદ્ધ સૂત્રોચ્ચાર કર્યા. શર્મા લખનઉનો રહેવાસી છે અને મનોરંજન મૈસુરનો રહેવાસી છે. નીલમ જીંદ, હરિયાણાની રહેવાસી છે અને શિંદે મહારાષ્ટ્રનો છે. એવું બહાર આવ્યું છે કે અમોલ શિંદે તેના ગૃહ રાજ્ય મહારાષ્ટ્રમાંથી તેની સાથે ધુમાડાના કેન લાવ્યો હતો. ઈન્ડિયા ગેટ ખાતે મીટીંગ દરમિયાન ગ્રુપના સભ્યોમાં કેનનું વિતરણ કરવામાં આવ્યું હતું. ત્યારબાદ, સમગ્ર યોજનાને અમલમાં મુકવાનું નક્કી કરાયું હતું.
શું હેતુ હતો...?
સૂત્રોના જણાવ્યા અનુસાર દિલ્હી પોલીસની અત્યાર સુધીની તપાસમાં સામે આવ્યું છે કે તમામ આરોપીઓ ભગત સિંહ ફેન ક્લબ નામના સોશિયલ મીડિયા ગ્રુપ સાથે જોડાયેલા હતા. જો કે, તેમનો હેતુ શું હતો તે હજુ સુધી બહાર આવ્યું નથી. જણાવવામાં આવી રહ્યું છે કે આરોપી લગભગ દોઢ વર્ષ પહેલા મૈસૂરમાં મળ્યા હતા અને પ્લાનને આગળ વધારવા પર ચર્ચા કરી હતી. બીજી મીટિંગ લગભગ નવ મહિના પહેલા થઈ હતી, જ્યારે આરોપીઓએ સમગ્ર હુમલાની યોજના બનાવી હતી.
આ સમગ્ર ઘટનાને ખૂબ જ ચતુરાઈથી અંજામ આપવામાં આવ્યો
સૂત્રોએ જણાવ્યું કે સાગર શર્મા આ જુલાઈમાં લખનૌથી દિલ્હી આવ્યો હતો. આ મુલાકાત દરમિયાન તેઓ સંસદમાં પ્રવેશી શક્યા નહોતા, પરંતુ તેમણે બહારથી તેનું મોનિટરિંગ કર્યું હતું અને સુરક્ષા તપાસને ધ્યાનથી જોઈ હતી. બુધવારના પ્લાનને અંજામ આપવા માટે આરોપીઓ રવિવારે દિલ્હી પહોંચ્યા હતા. તે ગુરુગ્રામમાં વિક્કીના ઘરે રોકાયા હતા. સૂત્રોએ જણાવ્યું કે તમામ છ લોકો સંસદની અંદર જવા માગતા હતા, પરંતુ માત્ર સાગર શર્મા અને મનોરંજન જ પાસ મેળવવામાં સફળ થયા. બંને ગઈકાલે બપોરે સંસદમાં પ્રવેશ્યા હતા. આ પછી તેણે આખી ઘટનાને ખૂબ જ ચતુરાઈથી અંજામ આપ્યો.
અન્ય આરોપીઓમાં લલિત ઝા અને વિશાલ શર્મા
અન્ય આરોપીઓમાં લલિત ઝા અને વિશાલ શર્મા છે, વિશાલ શર્મા ગુડગાંવનો રહેવાસી છે. લલિત ઝાએ કથિત રીતે એક વીડિયો શૂટ કર્યો હતો જેમાં અન્ય આરોપીઓ ધુમાડાના ડબ્બા છુપાવી રહ્યા હતા. આ વ્યક્તિ બીજા બધાના સેલફોન લઈને ભાગી ગયો હતો. વિકી શર્માએ અન્ય આરોપીઓને કથિત રીતે આશ્રય આપ્યો હતો. તમામ આરોપીઓ સામે આતંકવાદી વિરોધી કાનૂન લગાવામાં આવ્યો છે.
આ પણ વાંચો----PARLIAMENT SECURITY CASE : આરોપીઓ જ્યાં રોકાયા હતા ત્યાં આ પુસ્તકો મળ્યા, વાંચો અહેવાલ