ભારતમાં અબજોપતિની સંખ્યા વધી, આ શહેર બની રહ્યું છે એશિયાનું Capital!
- ભારતમાં અબજોપતિઓની સંખ્યા વધી
- મુંબઈ એશિયાનું ધનિક શહેર બની રહું છે
- ચાલુ વર્ષમાં મહિલાઓની સંખ્યા વધી
Billionaires:ભારતમાં અબજોપતિઓ(Billionaires)ની સંખ્યા સતત વધી રહી છે. એક સર્વેમાં કહેવામાં આવ્યું છે કે આ વર્ષે એટલે કે 2024માં ભારતમાં અબજોપતિઓની સંખ્યા વધીને 334 થઈ જશે. સર્વે રિપોર્ટમાં એ પણ ખુલાસો થયો છે કે મુંબઈએ એશિયાની અબજોપતિની રાજધાની તરીકે તેની સ્થિતિ મજબૂત કરી છે. મુંબઈ અમેરિકા અને ચીનને પાછળ છોડીને વિશ્વમાં ત્રીજા સ્થાને પહોંચી ગયું છે. 360 વન વેલ્થ અને ક્રિસિલે ધ વેલ્થ ઈન્ડેક્સ રિપોર્ટની નવીનતમ આવૃત્તિ બહાર પાડી છે, જેમાં વ્યાપક સર્વેક્ષણ પર આધારિત વલણોનો સમાવેશ થાય છે.
ભારત ઝડપથી વૈશ્વિક સંપત્તિના કેન્દ્ર તરીકે ઉભરી રહ્યું છે
સમાચાર અનુસાર, ધ વેલ્થ ઈન્ડેક્સ એ ભારતના અલ્ટ્રા હાઈ નેટ વર્થ ઈન્ડિવિજ્યુઅલ્સ અને હાઈ નેટ વર્થ ઈન્ડિવિડ્યુઅલ્સના રોકાણના વર્તન, પસંદગીઓ અને સંપત્તિ વ્યવસ્થાપન વલણો પર વિગતવાર સંશોધન અને વિશ્લેષણ છે. રિપોર્ટમાં કહેવામાં આવ્યું છે કે ભારત વૈશ્વિક સંપત્તિના કેન્દ્ર તરીકે ઝડપથી ઉભરી રહ્યું છે. રિપોર્ટમાં કહેવામાં આવ્યું છે કે ફિનટેક, ઈ-કોમર્સ, સ્પેસ અને ડિફેન્સ સેક્ટરમાં સંપત્તિ સર્જનને મજબૂત પ્રોત્સાહન મળવાની અપેક્ષા છે.
આ પણ વાંચો -Explained:કમરતોડ મોંઘવારીનો માર, ક્યારે Loan, EMI ઘટશે?
રિચ કેટેગરીમાં મહિલાઓની એન્ટ્રી
360 વન વેલ્થ અને ક્રિસિલ દ્વારા વેલ્થ ઈન્ડેક્સ રિપોર્ટ જણાવે છે કે શ્રીમંત વર્ગમાં પ્રવેશતી મહિલાઓની સંખ્યા વધી રહી છે. 40 ટકાથી વધુ શ્રીમંત મહિલાઓની ઉંમર 51-60 વર્ષની વચ્ચે છે. જેમાંથી ઘણા ઓછા જોખમવાળા અને સ્થિર રોકાણ અપનાવે છે. આ વસ્તી વિષયક શિફ્ટ મની મેનેજમેન્ટ માટે નવા અભિગમો લાવી રહી છે. સર્વે રિપોર્ટ્સ કહે છે કે શ્રીમંત લોકો પરંપરાગત સંપત્તિઓથી આગળ વધી રહ્યા છે. પોર્ટફોલિયો મેનેજમેન્ટ સેવાઓ, વૈકલ્પિક રોકાણ ભંડોળ અને રિયલ એસ્ટેટ રોકાણ ટ્રસ્ટ જેવા વિકલ્પો લોકપ્રિય બની રહ્યા છે.
આ પણ વાંચો -2050માં 1 કરોડ રૂપિયાનું મૂલ્ય કેટલું હશે? મોંઘવારીની અસર જાણીને ચોંકી જશો
ભારતના અબજોપતિઓની સંપત્તિ
ચાલુ વર્ષમાં 2024માં ભારતના 100 સૌથી ધનિકોની યાદી દર્શાવે છે કે ભારતના અબજોપતિઓની સામૂહિક સંપત્તિ $1 ટ્રિલિયનને વટાવીને $1.1 ટ્રિલિયન સુધી પહોંચી ગઈ છે. મુકેશ અંબાણી $119.5 બિલિયન સાથે આગળ છે, ત્યારબાદ ગૌતમ અદાણી $116 બિલિયન સાથે અને પછી સાવિત્રી જિન્દાલ જેની સંપત્તિ $43.7 બિલિયન છે.