Germany :સોલિંગનમાં ફેસ્ટિવલમાં થયેલા હુમલામાં 3 ના મોત

• પશ્ચિમ જર્મન શહેર સોલિંગનમાં એક ફેસ્ટિવલ દરમિયાન છરી વડે કરાયેલા હુમલામાં ત્રણ લોકોના મોત
• ચાર ગંભીર રીતે ઘાયલ
• પોલીસે હુમલાખોરને પકડવા માટે સર્ચ ઓપરેશન શરૂ કર્યું

Germany : પશ્ચિમ જર્મન (Germany) શહેર સોલિંગનમાં એક ફેસ્ટિવલ દરમિયાન છરી વડે કરાયેલા હુમલામાં ત્રણ લોકોના મોત થયા છે અને ચાર ગંભીર રીતે ઘાયલ થયા છે. સીએનએનને ટાંકીને આ માહિતી સામે આવી છે. યુરો ન્યૂઝ અનુસાર, હુમલો સેન્ટ્રલ સ્ક્વેર ફ્રેનહોફ પર થયો હતો. પોલીસે હુમલાખોરને પકડવા માટે સર્ચ ઓપરેશન શરૂ કર્યું છે. પોલીસે આતંકવાદને નકારી કાઢ્યો નથી.

સ્થાપનાની 650મી વર્ષગાંઠની ઉજવણી થઇ રહી હતી

CNN એ પોલીસને ટાંકીને જણાવ્યું હતું કે સ્થાપનાની 650મી વર્ષગાંઠની ઉજવણી નિમિત્તે સપ્તાહના અંતે શહેરમાં "વિવિધતાની ઉજવણી" કરવામાં આવી રહી હતી. ઘટનાસ્થળના ફૂટેજમાં ઘણી એમ્બ્યુલન્સ અને પોલીસ અધિકારીઓ તેમજ એક હેલિકોપ્ટર ઉપરથી ઉડતું દેખાય છે. સોલિંગેનમાં લગભગ 160,000 રહેવાસીઓ છે અને તે કોલોન અને ડસેલડોર્ફના મોટા શહેરોની નજીક સ્થિત છે. સ્થાનિક અખબાર સોલિન્ગર ટેગેબ્લાટે અહેવાલ આપ્યો છે કે સત્તાવાળાઓએ લોકોને શહેરનો વિસ્તાર છોડવા કહ્યું છે. જર્મન સમાચાર એજન્સી ડીપીએના અહેવાલમાં અનામી પોલીસ સૂત્રોને ટાંકીને કહેવામાં આવ્યું છે કે આ હથિયાર છરી હોવાનું માનવામાં આવે છે અને હજુ સુધી કોઈની ધરપકડ કરવામાં આવી નથી.

આ પણ વાંચો----Australia Plane Crash Tragedy : શાળા પાસે વિમાન દુર્ઘટના અને પછી...

ફ્રેનહોફ સેન્ટ્રલ સ્ક્વેર ખાતેની ઘટના

ઉત્સવમાં હાજર રહેલા પ્રત્યક્ષદર્શીઓએ પોલીસને માહિતી આપી હતી કે સેન્ટ્રલ સ્ક્વેર, ફ્રોનહોફ ખાતે એક અજાણ્યા ગુનેગારે ઘણા લોકો પર છરી વડે હુમલો કર્યો હતો. જોકે પોલીસ ઘટના સ્થળે પહોંચી ત્યાં સુધીમાં હુમલાખોર નાસી ગયો હતો. સીએનએનએ પોલીસને ટાંકીને જણાવ્યું હતું કે સપ્તાહના અંતે શહેરમાં "વિવિધતાની ઉજવણી" દરમિયાન છરીથી હુમલો કરવામાં આવ્યો હતો.

પોલીસ ફરાર હુમલાખોરને શોધવામાં વ્યસ્ત

ઘટનાની માહિતી મળતાની સાથે જ પોલીસ ઘટના સ્થળે પહોંચી, ઘાયલોને હોસ્પિટલ લઈ ગઇ હતી અને વિસ્તારને ખાલી કરાવ્યો. હુમલાખોરની શોધ ચાલુ છે. પોલીસ આસપાસના સીસીટીવી ફૂટેજ પણ સ્કેન કરી રહી છે. તમને જણાવી દઈએ કે સોલિંગેન શહેરની વસ્તી 1.5 લાખથી વધુ છે અને આ શહેર જર્મનીના બે મોટા શહેર કોલોન અને ડસેલડોર્ફની નજીક આવેલું છે.

આ પણ વાંચો----South Korea ની હોટલમાં લાગી ભીષણ આગ, 7 લોકોના મોત...