Gandhinagar ટાઇફોઇડના અજગરી ભરડામાં, 104થી વધુ દર્દીઓ હોસ્પિટલ ભેગા, તાબડતોડ એક્શનમાં આવ્યા DYCM
- Gandhinagar માં ટાઇફોઇડનો રોગચાળો : 104થી વધુ દર્દીઓ દાખલ, નાયબ મુખ્યમંત્રી હર્ષ સંઘવીએ લીધી સિવિલ હોસ્પિટલની મુલાકાત
- પાટનગરમાં ટાઇફોઇડના 104 કેસ : DyCM હર્ષ સંઘવી એક્શનમાં, અમિત શાહે પણ લીધી સ્થિતિની રિવ્યૂ
- ગાંધીનગર સિવિલમાં ટાઇફોઇડના દર્દીઓથી ખીચોખીચ : નાયબ મુખ્યમંત્રીએ મળ્યા દર્દીઓ, 22 ડોક્ટર્સની ટીમ તૈનાત
- ટાઇફોઇડ આઉટબ્રેક અલર્ટ: ગાંધીનગરમાં બાળકો સહિત 104 દર્દીઓ હોસ્પિટલમાં, સરકારના તાત્કાલિક પગલાં
- હર્ષ સંઘવીની મુલાકાત અને બેઠક: ગાંધીનગરમાં વધતા ટાઇફોઇડ કેસ પર સરકારનું યુદ્ધસ્તરે એક્શન
Gandhinagar : ગુજરાતના પાટનગર ગાંધીનગરમાં ટાઇફોઇડના કેસમાં અચાનક વધારો થતાં આરોગ્ય વિભાગ સહિત સમગ્ર વહીવટી તંત્ર એલર્ટ થઈ ગયું છે. ગાંધીનગર સિવિલ હોસ્પિટલમાં છેલ્લા ત્રણ દિવસમાં ટાઇફોઇડના સંકાયેલા 104થી વધુ કેસ નોંધાયા છે, જેમાં બાળકોનો પણ સમાવેશ થાય છે. આ સ્થિતિને ગંભીરતાથી લેતા નાયબ મુખ્યમંત્રી હર્ષ સંઘવીએ તાત્કાલિક એક્શનમાં આવી ગયા છે. તેમણે ગાંધીનગર સિવિલ હોસ્પિટલની મુલાકાત લઈને દાખલ દર્દીઓને મળી ખબર-અંતર પૂછ્યા હતા અને સારવારની વ્યવસ્થાની સમીક્ષા કરી હતી.
Gandhinagar માં DYCMની તાબડતોડ બેઠક
આ ઘટના પર નાયબ મુખ્યમંત્રી હર્ષ સંઘવીએ પોતાના કાર્યાલય ખાતે તાકીદની બેઠક યોજી હતી. આ બેઠકમાં મેયર મીરા પટેલ, જિલ્લા કલેક્ટર, મહાનગરપાલિકા કમિશનર અને આરોગ્ય વિભાગના ઉચ્ચ અધિકારીઓ હાજર રહ્યા હતા. બેઠકમાં રોગચાળાને નિયંત્રણમાં લાવવા યુદ્ધના ધોરણે કામગીરી કરવાના આદેશ આપવામાં આવ્યા છે. તેમણે કહ્યું કે, "હાલ 104 સંકાયેલા કેસ નોંધાયા છે. વહીવટી તંત્ર સતત સારવાર અને મોનિટરિંગની વ્યવસ્થા મજબૂત કરી રહ્યું છે. દર્દીઓ અને તેમના પરિવારજનોને વધુ સારી સુવિધાઓ આપવા પ્રયાસો ચાલુ છે." વધુમાં 22 ડોક્ટર્સની વિશેષ ટીમ તૈનાત કરવામાં આવી છે, અને દર્દીઓના પરિવારજનો માટે ભોજન તથા અન્ય સુવિધાઓની વ્યવસ્થા કરવામાં આવી છે.
દૂષિત પાણીના કારણે ટાઇફોઇટના વધ્યા કેસ
મળી રહેલી જાણકારી અનુસાર, હાલમાં તમામ દર્દીઓની હાલત સ્થિર છે અને તેમને યોગ્ય સારવાર આપવામાં આવી રહી છે. અધિકારીઓના જણાવ્યા અનુસાર, અસુરક્ષિત પીવાના પાણીને કારણે આ કેસ વધ્યા હોવાનું અનુમાન છે. ગાંધીનગર મહાનગરપાલિકાના આરોગ્ય વિભાગે અસરગ્રસ્ત વિસ્તારોમાં ડોર-ટુ-ડોર સર્વે શરૂ કરી દીધો છે. લોકોને ઉકાળેલું પાણી પીવું, ઘરે બનાવેલો ખોરાક લેવો અને પાણીની ટાંકી સાફ કરવા ક્લોરીનની ગોળીઓ વાપરવાની સલાહ આપવામાં આવી છે.
પાટનગર ગાંધીનગરમાં ટાઇફોઇડનો રોગચાળો વધ્યો
ટાઈફોડના કેસ વધતા નાયબ મુખ્યમંત્રી એક્શનમાં
નાયબ મુખ્યમંત્રીએ ગાંધીનગર સિવિલની મુલાકાત લીધી
DyCM સિવિલમાં દાખલ ટાઈફોડના દર્દીઓને મળ્યા
DyCM હર્ષભાઈએ ટાઈફોડના કેસને લઈ બોલાવી હતી બેઠક @sanghaviharsh #Gandhinagar #Typhoid #HealthCrisis… pic.twitter.com/kpMGs9gBPF— Gujarat First (@GujaratFirst) January 3, 2026
ગૃહમંત્રી અમિત શાહે લીધી નોંધ
આ મામલે કેન્દ્રીય ગૃહમંત્રી અમિત શાહે પણ ગંભીર નોંધ લીધી છે. તેમણે જિલ્લા કલેક્ટર સાથે ફોન પર ત્રણ વખત વાત કરી સ્થિતિની માહિતી મેળવી છે અને સાંજે ફરી રિવ્યૂ લેવાના છે. ગાંધીનગર લોકસભા બેઠકના સાંસદ હોવાથી અમિત શાહની આ ઘટના પર સીધી નજર છે.
ટાઇફોઇડ એ પાણી અને ખોરાક દ્વારા ફેલાતો ચેપી રોગ છે, જે સાલ્મોનેલા બેક્ટેરિયાને કારણે થાય છે. તેના લક્ષણોમાં તાવ, માથાનો દુખાવો, પેટમાં દુખાવો અને ઉલટી જેવા સમાવેશ થાય છે. આવા રોગચાળાને રોકવા માટે સ્વચ્છતા અને સુરક્ષિત પાણીનું સેવન અત્યંત જરૂરી છે. સરકારે આ મુદ્દે તાત્કાલિક પગલાં લીધાં છે, જેમાં વોટર સેમ્પલ્સની તપાસ અને જાગૃતિ અભિયાનનો સમાવેશ થાય છે.
ઇન્દોરમાં ખરાબ પાણીના કારણે 15 લોકોના મોત
આ ઘટનાએ ફરી એક વખત શહેરી વિસ્તારોમાં પીવાના પાણીની ગુણવત્તા અને સ્વચ્છતા પર સવાલ ઉભા કર્યા છે. નાગરિકોએ પણ સાવચેતી રાખવી જોઈએ અને કોઈપણ લક્ષણ દેખાય તો તરત તબીબી સલાહ લેવી જોઈએ. સરકારના પ્રયાસોથી આ રોગચાળો ટૂંક સમયમાં નિયંત્રણમાં આવે તેવી આશા વ્યક્ત કરવામાં આવી રહી છે. ઉલ્લેખનિય છે કે, ઈન્દોરમાં ખરાબ પાણી પીવાના કારણે અત્યાર સુધીમાં 15 લોકોના મોત થઈ ગયા છે.
ઈન્દોરના કેસના કારણે દેશભરમાં ખુબ જ મોટી બબાલ ચાલી રહી છે. તેવામાં ગાંધીનગરમાં ટાઇફોઇડના ચિંતાજનક રીતે વધી રહેલા કેસોએ પણ સરકારની ઊંઘ હરામ કરી નાંખી છે.