U-18 Women's Hockey Team : ભારતીય મહિલા હોકી ટીમે શનિવારે અંડર-18 એશિયા કપમાં ત્રીજા સ્થાન માટે રમાયેલી મેચમાં કોરિયા પર 3-0 થી શાનદાર જીત મેળવીને બ્રોન્ઝ મેડલ જીત્યો છે. ભારત માટે, સંદીપ કુમારી (બીજી મિનિટ), કેપ્ટન સ્વીટી કુજુર (16 મી મિનિટ) અને નૌશીન નાઝ (33 મી મિનિટ) એ ગોલ કરીને ટીમને પોડિયમ સુધી પહોંચાડવામાં મદદ કરી છે. જે બદલ દેશના વડાપ્રધાન નરેન્દ્રભાઇ મોદીએ ટીમને શુભકામનાઓ પાઠવી છે.
U-18 Women's Hockey Team, અસાધારણ મનોબળ દર્શાવ્યું
સેમિફાઇનલમાં ચીન સામે શૂટઆઉટમાં હાર બાદ, ભારતીય ટીમે કોરિયા સામે શાનદાર શરૂઆત કરી હતી, અને પ્રથમ બે મિનિટમાં જ લીડ મેળવી લીધી હતી. સંદીપ કુમારીએ શાનદાર સંયમ બતાવ્યો, અને બીજી જ મિનિટમાં શાનદાર ફિનિશિંગ સાથે ભારતને લીડ અપાવી હતી, ટીમે બ્રોન્ઝ મેડલ જીતી લીધો છે. પ્રધાનમંત્રી નરેન્દ્રભાઇ મોદીએ આજે યુ-18 (U18) એશિયા કપ 2026 માં બ્રોન્ઝ મેડલ જીતવા બદલ ભારતીય મહિલા યુ-18 હોકી ટીમને અભિનંદન પાઠવ્યા છે. પ્રધાનમંત્રીએ પાઠવેલા સંદેશામાં નોંધ્યું હતું કે, ટીમે સમગ્ર ટૂર્નામેન્ટ દરમિયાન અસાધારણ મનોબળ દર્શાવ્યું હતું.
U-18 Women's Hockey Team, આગામી પ્રયાસો માટે પણ ઉત્તમ શુભેચ્છાઓ
વડાપ્રધાન નરેન્દ્રભાઇ મોદીએ અવલોકન કર્યું કે, આ સિદ્ધિ ભારતમાં મહિલા હોકીની વધતી જતી તાકાત અને ખેલાડીઓની અપાર ક્ષમતાને પ્રતિબિંબિત કરે છે. પ્રધાનમંત્રીએ ટીમને તેમના આગામી પ્રયાસો માટે પણ ઉત્તમ શુભેચ્છાઓ પાઠવી હતી.
વડાપ્રધાનનો શુભેચ્છા સંદેશ
પ્રધાનમંત્રીના સત્તાવાર ટ્વીટર - X પર પોસ્ટ કરતા લખાયું કે, "યુ-18 એશિયા કપ 2026 માં બ્રોન્ઝ મેડલ જીતવા બદલ ભારતીય મહિલા યુ-18 હોકી ટીમને ખૂબ ખૂબ અભિનંદન. ટીમે સમગ્ર ટૂર્નામેન્ટ દરમિયાન અસાધારણ મનોબળ દર્શાવ્યું હતું. આ સિદ્ધિ ભારતમાં મહિલા હોકીની વધતી જતી તાકાત અને આપણા ખેલાડીઓની અપાર ક્ષમતાને પ્રતિબિંબિત કરે છે. ટીમને તેમના આગામી પ્રયાસો માટે ખૂબ ખૂબ શુભેચ્છાઓ."
આ પણ વાંચો - Suryakumar Yadav એ કેપ્ટનશીપ ગુમાવી, સિરીઝમાંથી પણ આઉટ થયા બાદ પહેલી પ્રતિક્રિયા સામે આવી
