UP : CM યોગીને બોમ્બથી ઉડાવી દેવાની ધમકી, પોલીસ કંટ્રોલ રૂમના CUG નંબર આવ્યો કોલ...

ઉત્તર પ્રદેશ (UP)ની રાજધાની લખનૌના પોલીસ કંટ્રોલ રૂમમાં એક કોલ આવતાં ખળભળાટ મચી ગયો હતો. કારણ કે, આ કોલમાં રાજ્યના વડા યોગી આદિત્યનાથને જાનથી મારી નાખવાની ધમકી આપવામાં આવી હતી. આ કોલ પોલીસ કંટ્રોલ રૂમના CUG નંબર પર આવ્યો હતો. જે બાદ કંટ્રોલ રૂમમાં તૈનાત પોલીસકર્મીએ તરત જ ધમકીભર્યા નંબર અંગે ફરિયાદ નોંધી હતી. હાલ પોલીસ આ મામલાની તપાસમાં વ્યસ્ત છે.

તમને જણાવી દઈએ કે CM યોગી આદિત્યનાથને બોમ્બથી ઉડાવવાની ધમકી આપવામાં આવી છે. આ મામલામાં ગયા રવિવારે સેન્ટ્રલ ઝોનના મહાનગર કોતવાલીમાં સિક્યોરિટી હેડક્વાર્ટરમાં તૈનાત હેડ કોન્સ્ટેબલ ઉધમ સિંહની ફરિયાદ પર કેસ નોંધવામાં આવ્યો છે. મળતી માહિતી મુજબ, ધમકીભર્યો કોલ સીયુજી નંબર પર કરવામાં આવ્યો હતો, જે હેડ કોન્સ્ટેબલને મળ્યો હતો. ફોન કરનારે કોન્સ્ટેબલને કહ્યું કે ઉત્તર પ્રદેશ (UP)ના મુખ્યમંત્રી યોગી આદિત્યનાથને બોમ્બથી ઉડાવી દેવામાં આવશે. જ્યારે ચીફ કોન્સ્ટેબલને પૂછવામાં આવ્યું કે તમે ક્યાંથી બોલો છો? જેથી તરત જ કોલ ડિસ્કનેક્ટ થઈ ગયો હતો.

પોલીસ તપાસમાં જોડાઈ

કોન્સ્ટેબલે તરત જ વરિષ્ઠ અધિકારીને આ કોલ વિશે જાણ કરી, ત્યારપછી ગભરાટ મચી ગયો. હાલમાં સિક્યોરિટી હેડક્વાર્ટરમાં તૈનાત ચીફ કોન્સ્ટેબલની ફરિયાદ પર કેસ નોંધવામાં આવ્યો છે. પોલીસ અને એજન્સીઓએ સમગ્ર મામલાની તપાસ શરૂ કરી દીધી છે. આરોપીઓને શોધવા માટે ચાર ટીમો તૈનાત કરવામાં આવી છે. ધમકી આપનાર વ્યક્તિનો મોબાઈલ ફોન સર્વેલન્સ સેલની મદદથી ટ્રેસ કરવામાં આવી રહ્યો છે. આ બાબતને ગંભીરતાથી લેવામાં આવી રહી છે. આ પહેલા પણ CM યોગીને ધમકીઓ મળી ચુકી છે.

ચીફ કોન્સ્ટેબલ પર આવ્યો હતો કોલ...

ચીફ કોન્સ્ટેબલ ઉધમ સિંહે આપેલી ફરિયાદમાં કહેવાયું છે કે શનિવારે રાત્રે 10.08 વાગ્યે તેમના મોબાઈલ પર કોલ આવ્યો હતો. ફોન કરનારે કહ્યું કે CM યોગીને બોમ્બથી ઉડાવી દેવામાં આવશે. જ્યારે ઉધમ સિંહે ફોન કરનારનું નામ પૂછ્યું તો તેણે ફોન કાપી નાખ્યો. જે બાદ ઉધમ સિંહે તાત્કાલિક ઉચ્ચ અધિકારીઓને ઘટનાની જાણ કરી હતી.

આ પણ વાંચો : Haryana : નફે સિંહ રાઠી હત્યા કેસમાં પોલીસને મોટી સફળતા, ગોવામાંથી 2 શૂટરોની ધરપકડ…

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ