USA Charlie Kirk: ટ્રમ્પના નજીકના સાથી ચાર્લી કિર્કની ગોળી મારીને હત્યા, યુનિવર્સિટી ડિબેટ દરમિયાન ગોળીબાર થયો

• USA Charlie Kirk: ટ્રમ્પે પોતે સોશિયલ મીડિયા પર પોસ્ટ કરીને તેમના મૃત્યુની માહિતી આપી
• ટ્રમ્પે ચાર્લીના સન્માનમાં દેશના તમામ રાષ્ટ્રીય ધ્વજ અડધી કાઠીએ લહેરાવવાનો આદેશ આપ્યો
• ઉટાહ વેલી યુનિવર્સિટીમાં એક ડિબેટ ઇવેન્ટ દરમિયાન ગોળી મારીને હત્યા કરવામાં આવી

USA Charlie Kirk: રૂઢિચુસ્ત યુવા જૂથ 'ટર્નિંગ પોઇન્ટ યુએસએ'ના સીઈઓ અને સહ-સ્થાપક ચાર્લી કિર્કની બુધવારે ઉટાહ વેલી યુનિવર્સિટીમાં એક ડિબેટ ઇવેન્ટ દરમિયાન ગોળી મારીને હત્યા કરવામાં આવી હતી. ચાર્લી રાષ્ટ્રપતિ ડોનાલ્ડ ટ્રમ્પના ખૂબ જ નજીક હતા. ટ્રમ્પે પોતે સોશિયલ મીડિયા પર પોસ્ટ કરીને તેમના મૃત્યુની માહિતી આપી હતી. ટ્રમ્પે ચાર્લીના સન્માનમાં દેશના તમામ રાષ્ટ્રીય ધ્વજ અડધી કાઠીએ લહેરાવવાનો આદેશ આપ્યો છે.

ટર્નિંગ પોઇન્ટ દ્વારા આયોજિત ડિબેટમાં ભાષણ આપતા કિર્કને ગોળી મારી દેવામાં આવી

ટર્નિંગ પોઇન્ટ દ્વારા આયોજિત ડિબેટમાં ભાષણ આપતા કિર્કને ગોળી મારી દેવામાં આવી હતી. એક વરિષ્ઠ અધિકારીએ સમાચાર એજન્સીને જણાવ્યું હતું કે કિર્કને ગંભીર હાલતમાં હોસ્પિટલમાં દાખલ કરવામાં આવ્યો હતો. અધિકારીઓના જણાવ્યા અનુસાર, એક શંકાસ્પદ વ્યક્તિ કસ્ટડીમાં છે, પરંતુ તેની ઓળખ હજુ સુધી જાહેર કરવામાં આવી નથી.

USA Charlie Kirk: આ કાર્યક્રમનો પહેલાથી જ વિરોધ કરવામાં આવી રહ્યો હતો

કેટલાક લોકોએ યુનિવર્સિટીમાં કિર્કની હાજરીનો વિરોધ પણ કર્યો હતો. યુનિવર્સિટી વહીવટીતંત્રને તેમના કાર્યક્રમ રદ કરવાની માંગ કરતી ઓનલાઈન અરજીમાં લગભગ 1,000 સહીઓ હતી. પરંતુ ગયા અઠવાડિયે યુનિવર્સિટીએ સ્પષ્ટતા કરી હતી કે કાર્યક્રમ રદ કરવામાં આવશે નહીં કારણ કે તે પ્રથમ સુધારા હેઠળ (First Amendment) 'સ્વતંત્ર ભાષણ' અને 'સંવાદ' સાથે સંબંધિત બાબત છે.

ટ્રમ્પે લખ્યું - ચાર્લી કર્કનું અવસાન થયું!

ચાર્લીના અવસાન વિશે માહિતી આપતા ટ્રમ્પે લખ્યું, 'મહાન અને સુપ્રસિદ્ધ, ચાર્લી કર્ક હવે આ દુનિયામાં નથી. અમેરિકાના યુવાનોને તેમનાથી વધુ સારી રીતે કોઈ સમજી શક્યું નથી અને ચાર્લી જેવું હૃદય કોઈનું નહોતું. તેમને બધા દ્વારા પ્રેમ અને આદર આપવામાં આવતો હતો, ખાસ કરીને હું. હવે તે આપણી વચ્ચે નથી. મેલાનિયા અને હું તેમની પત્ની એરિકા અને સમગ્ર પરિવાર પ્રત્યે સંવેદના વ્યક્ત કરીએ છીએ. ચાર્લી, વી લવ યુ!'

આ પણ વાંચો: જાણો સુશીલા કાર્કી Nepal New PM કેવી રીતે બની શકે છે, જાણો રેસમાં વધુ ચાર નામો ઉમેરાયા