• અમેરિકાનું ફાઇટર જેટ નહીં તેનું ગર્વ તુટીને પડ્યું છે
• એફ-35 ફાઇટર પ્લેનમાં બરફ જામી જતા સંચાલન ગુમાવ્યું
• પાયલોટે પેરાશુટની મદદથી કુદકો મારતા બચ્યો

અમેરિકાને (USA Pride) તેના F-35 ફાઇટર જેટ (F-35 Fighter Jet) પર ઘમંડ છે, અને તેને વિશ્વનું સૌથી અદ્યતન ફાઇટર જેટ (F-35 Latest Fighter Jet) ગણાવે છે. પરંતુ તાજેતરની ઘટનાઓમાં આ જેટની હકીકતો સામે આવતા વિશ્વભરમાં આશ્ચર્ય પેદા થયું છે. હાલ પ્રાપ્ત વિગતો અનુસાર, યુએસ એરફોર્સનું એક F-35 જેટ અલાસ્કામાં ક્રેશ થયું (F-35 Fighter Jet Crash - Alaska) હતું. અકસ્માત પહેલા, પાઇલોટે વિમાનને બચાવવા માટે શક્ય તેટલા પ્રયાસો કર્યા હતા. વિમાનની ખામી સુધારવા માટે પાયલોટે લોકહીડ માર્ટિનના પાંચ એન્જિનિયરો સાથે 50 મિનિટ સુધી હવામાં કોન્ફરન્સ કોલ કર્યો હતો. જ્યારે આ તમામ પ્રયાસો નિષ્ફળ જણાયા, ત્યારે પાઇલટે પેરાશૂટની મદદથી વિમાનમાંથી કૂદી પડવું પડ્યું હતું. આ પછી જેટ અલાસ્કામાં રનવે પર ક્રેશ થયું (F-35 Fighter Jet Crash - Alaska) હતું. અકસ્માતનું કારણ જેટના હાઇડ્રોલિક સિસ્ટમમાં બરફનું જામી ગયો હોવાનું કહેવાય છે, જેના કારણે લેન્ડિંગ ગિયર જામ થઈ ગયું હતું.

અને જેટ નિયંત્રણ બહાર થઈ ગયું

ઉડાન ભરતાની સાથે જ પાયલોટે ગિયર પાછું ખેંચવાનો પ્રયાસ કર્યો હતો, પરંતુ તે ડાબી બાજુ ફસાઈ ગયું હતું. ફરીથી ગિયર નીચે કરવાનો પ્રયાસ પણ નિષ્ફળ ગયો હતો. જેથી જેટના સેન્સરે ખોટો સંકેત આપ્યો કે, વિમાન (F-35 Fighter Jet Crash - Alaska) જમીન પર ઉતરી ગયું છે, જેના કારણે જેટ નિયંત્રણ બહાર થઈ ગયું હતું. પાયલોટે હવામાં એન્જિનિયરો સાથે કોન્ફરન્સ કોલ શરૂ કર્યો અને લગભગ 50 મિનિટ સુધી ખામી સુધારવાનો પ્રયાસ કર્યો હતો. આ દરમિયાન જામ થયેલા ગિયરને સુધારવા માટે બે 'ટચ એન્ડ ગો' લેન્ડિંગનો પ્રયાસ પણ કરવામાં આવ્યો હતો, પરંતુ બંને વખત નિષ્ફળ રહ્યા હતા. આખરે સેન્સરમાંથી ખોટા સિગ્નલોને કારણે જેટ સંપૂર્ણપણે બેકાબૂ બની ગયું હતું, અને પાઇલટે પેરાશૂટ સાથે કૂદકો મારવો પડ્યો હતો.

સોશિયલ મીડિયા પર વીડિયો વાયરલ

અકસ્માત પછી, જેટ રનવે પર ક્રેશ થઇને પડી ગયું હતું, (F-35 Fighter Jet Crash - Alaska) અને સળગવા લાગ્યું હતું. સોશિયલ મીડિયા પર વાયરલ થયેલા વીડિયોમાં જેટ ફરતું અને આગના ગોળામાં ફેરવાતું જોવા મળ્યું હતું. વાયુસેનાની તપાસમાં બહાર આવ્યું છે કે, જેટના આગળના અને જમણા લેન્ડિંગ ગિયરના હાઇડ્રોલિક પ્રવાહીમાં એક તૃતીયાંશ પાણી હતું, જે -18 ડિગ્રી સેલ્સિયસની ઠંડીમાં થીજી ગયું હતું. આ બરફને કારણે ગિયર જામ થઈ ગયું હતું. આશ્ચર્યજનક રીતે અકસ્માતના નવ દિવસ પછી તે જ બેઝ પરના બીજા જેટને પણ 'હાઇડ્રોલિક આઈસિંગ'ની સમસ્યાનો સામનો કરવો પડ્યો હતો, જો કે તે સુરક્ષિત રીતે ઉતર્યું હતું. તપાસમાં સ્પષ્ટ થયું કે, કોલ દરમિયાન લેવામાં આવેલા નિર્ણયો અને સામગ્રીના સંચાલનમાં બેદરકારી આ અકસ્માતના મુખ્ય કારણો હતા.

આ કાર્યક્રમ લાંબા સમયથી વિવાદોમાં ફસાયેલો છે

લોકહીડ માર્ટિનનો F-35 કાર્યક્રમ (F-35 Fighter Jet Crash - Alaska) લાંબા સમયથી વિવાદોમાં ફસાયેલો છે. તેની ઊંચી કિંમત અને ઉત્પાદનમાં ઉતાવળની સતત ટીકા કરવામાં આવી છે. 2021માં જેટની કિંમત $135.8 મિલિયન હતી, જે 2024માં ઘટીને $81 મિલિયન થઈ ગઈ છે. છતાં, યુએસ સરકારના અહેવાલ મુજબ, આ કાર્યક્રમ 2088 સુધી ચાલશે અને તેનો કુલ ખર્ચ $2 ટ્રિલિયનથી વધુ થશે.

આ પણ વાંચો ----- Viral : પાતળી કમરના ચક્કરમાં યુવતિએ પાંસળીઓ કઢાવી, સોશિયલ મીડિયા હેરાન