• સ્ટોક માર્કેટમાં મોટું ગાબડું
• અમેરિકાના ટેરિફના વલણ બાદ મોટું નુકશાન સામે આવ્યું
• બજાજ ફાઇનાન્સ, સન ફાર્મા અને ઝોમેટોના શેરમાં 3% ઘટાડો નોંધાયો

Stock Market Crash : ફાર્માસ્યુટિકલ્સ પર 100% ટેરિફની આજે ભારતીય શેરબજાર પર ઊંડી અસર પડી છે. સેન્સેક્સ, નિફ્ટી અને બેંક નિફ્ટીમાં નોંધપાત્ર નુકસાન (Stock Market Crash) થયું છે. સેન્સેક્સ 733.22 પોઈન્ટ ઘટીને 80,426.46 પર બંધ થયો છે, જ્યારે નિફ્ટી 236.15 પોઈન્ટ ઘટીને 24,654.70 પર બંધ થયો છે. બેંક નિફ્ટીમાં પણ નોંધપાત્ર ઘટાડો જોવા મળ્યો (Stock Market Crash) છે, જે 586.85 પોઈન્ટ ઘટીને 54,389.35 પર બંધ થયો છે.

ચાર સિવાયના બધા ઘટ્યા

ટેરિફ અને વિઝા મુદ્દાઓને કારણે, ફાર્માસ્યુટિકલ અને આઈટી શેરો ભારે દબાણમાં હતા. બેંકિંગ શેરોમાં પણ ભારે વેચવાલી જોવા મળી છે. ટોચના 30 બીએસઈ શેરોમાંથી, 26 લાલ નિશાનમાં બંધ થયા (Stock Market Crash) હતા, જેમાં ચાર સિવાયના બધા ઘટ્યા હતા. મહિન્દ્રા અને મહિન્દ્રાના શેર સૌથી વધુ 3.70% ઘટ્યા છે. બાદમાં બજાજ ફાઇનાન્સ, સન ફાર્મા અને ઝોમેટોના શેરમાં 3% ઘટાડો નોંધાયો છે.

રોકાણકારોને મોટું નુકસાન થયું

ગઈકાલે BSE નું બજાર મૂડીકરણ રૂ. 457.35 લાખ કરોડ હતું, જે આજના મોટા ઘટાડા પછી રૂ. 450.55 લાખ કરોડ પર બંધ થયું છે. આનો અર્થ એ થયો કે રોકાણકારોએ મૂલ્યાંકનમાં આશરે રૂ. 7 લાખ કરોડ ગુમાવ્યા (Stock Market Crash).

શેરબજારમાં આજના ઘટાડાનાં કારણો શું હતા ?

ફાર્મા સેક્ટર પર ટેરિફ: ડોનાલ્ડ ટ્રમ્પે બ્રાન્ડેડ અને પેટન્ટ દવાઓની આયાત પર 100% ડ્યુટીની જાહેરાત કરી છે, જે 1 ઓક્ટોબરથી અમલમાં આવશે. તેઓ કિચન કેબિનેટ અને બાથરૂમ વેનિટી પર 50%, અપહોલ્સ્ટર્ડ ફર્નિચર પર 30% અને ભારે ટ્રક પર 25% ડ્યુટી લાદવાની પણ યોજના ધરાવે છે. આ જાહેરાત બાદ, નિફ્ટી ફાર્મામાં 2.55%નો ઘટાડો થયો.

IT શેરોમાં પણ ઘટાડો થયો: H-1B વિઝા ફીમાં વધારાને કારણે ભારતીય IT ક્ષેત્રમાં પણ તીવ્ર ઘટાડો થયો છે. એક્સેન્ચરના નબળા ત્રિમાસિક પરિણામોએ સેન્ટિમેન્ટને વધુ ખરાબ કર્યું. નિફ્ટી IT ઇન્ડેક્સ 1.3% ઘટ્યો છે.

વિદેશી રોકાણકારોનું વેચાણ: 25 સપ્ટેમ્બરના રોજ, વિદેશી રોકાણકારોએ ભારતીય શેરબજારમાંથી ₹ 4,995 કરોડ પાછા ખેંચી લીધા હતા. આ મહિનામાં અત્યાર સુધીમાં, તેમણે ₹ 24,454 કરોડના શેર વેચી દીધા છે.

ફાર્મા શેર ભારે દબાણ હેઠળ

ટેરિફને કારણે મોટાભાગના ફાર્માસ્યુટિકલ શેર ઘટ્યા. સન ફાર્મા ઇન્ટ્રાડે 3.8%, ગ્લેન્ડ ફાર્મા 3.7%, નેટકો 3.5% અને ડિવી'સ લેબ્સ 3% ઘટ્યા. બાયોકોનના શેર 2.5% ઘટ્યા. વધુમાં, IPCA લેબ્સ અને ઝાયડસ લાઇફના શેર 2% થી વધુ ઘટ્યા.

આ પણ વાંચો ----  Jewar Airport નો જલવો, અચંબિત કરી નાંખે તેવા પ્રોપર્ટીના ભાવ ઉંચકાયા