Uttarakhand Snake Tank : પાણીની ટાંકીમાંથી પાઇપ દ્વારા નળ સુધી પાણી પહોંચાડવામાં આવે છે, પણ કલ્પના કરો કે તમે નળ ખોલવાના છો અને બીજી બાજુ ખતરો તમારી રાહ જોઈ રહ્યો છે? ઇન્ટરનેટ પર વાયરલ થયેલો વિડીયો ભયાનક છે. એક પરિવારને પાણીની ટાંકીમાં એક કે બે નહીં, પરંતુ 27 સાપ મળ્યા. તેમને જોયા પછી પરિવારની પોતાની હાલત વધુ ખરાબ થઈ ગઈ હતી.
Uttarakhand Snake Tank, પરિવાર સ્તબ્ધ થયો
ઉત્તરાખંડના હરિદ્વારમાં આવેલા એક ગામમાં પરિવારે ટાંકીમાં 27 સાપ જોયા કે, તરત જ તેમણે વન વિભાગને જાણ કરી હતી. તે બાદ વન વિભાગના કર્મીઓ ઘટનાસ્થળે પહોંચ્યા, અને સાપને સુરક્ષિત રીતે બહાર કાઢ્યા હતા. વન વિભાગના આવતા પહેલાં, ટાંકીમાં સાપની હાજરી અને આંટાફેરા જોઈને પરિવાર ડરનો માર્યો સ્તબ્ધ થઇ ગયો હતો. હાલ પ્રાપ્ત માહિતી માહિતી અનુસાર, આ સાપની પ્રજાતિને "ચેકર્ડ કીલબેક" કહેવામાં આવે છે.
Uttarakhand Snake Tank, ચેકર્ડ કીલબેક વિશે જાણો
- આ સાપ ઝેરી નથી. જો કે, ટાંકીમાં જોવા મળતા સાપની સંખ્યા ચેપનું કારણ બની શકે છે
- તેઓ સામાન્ય રીતે માણસો પર હુમલો કરતા નથી, કારણ કે તેમનો મુખ્ય ખોરાક માછલી, દેડકા અને અન્ય શિકાર હોય છે. પરંતુ, જો તેઓ માણસને કરડે, તો દર્દ, સોજો અને નાની ઇજાઓ પહોંચાડી શકે છે
- આ સાપ અડધા કિલોગ્રામ સુધી વજન ધરાવી શકે છે, અને મહત્તમ 3-4 ફૂટ લંબાઈ સુધી પહોંચી શકે છે
- ચેકર્ડ કીલબેક પાતળો અને લાંબો હોય છે, તેને ઝડપી અને ચપળ માનવામાં આવે છે
વન વિભાગની પ્રશંસા
X પર એક યુઝર દ્વારા પોસ્ટ કરાયેલા વિડીયો પર અસંખ્ય પ્રતિક્રિયાઓ મળી છે. આ ઘટના જોયા પછી, લોકોને સ્વચ્છ ટાંકી જાળવવાનું મહત્વ સમજાયું છે. યુઝર્સ કહે છે કે, આ ઘટના, આપણને ડરાવવાની સાથે એ પણ શીખવે છે કે, ટાંકીને સ્વચ્છ રાખવી કેટલી મહત્વપૂર્ણ છે, ભલે તેને આપણે વર્ષોથી ખોલતા નથી. એક યુઝરે 27 સાપ અને તેમના પરિવારો બંનેને બચાવવા બદલ વન વિભાગની પ્રશંસા કરી છે.
ઘરની પાણીની ટાંકીમાંથી બહાર આવ્યા
સચિન કુમાર (@KumarSachi22718) એ X પર આ વિડીયો પોસ્ટ કર્યો છે, જેના કેપ્શનમાં લખ્યું કે, "કલ્પના કરો કે, વહેલી સવારે તમે જ્યારે પાણીનો નળ ખોલો અને ત્યારે પાણીને બદલે મોત તમારી વાટ જોઇ રહ્યું હોય ! હરિદ્વાર, ઉત્તરાખંડમાં, એક કે બે નહીં, પરંતુ 27 સાપ એક ઘરમાં પાણીની ટાંકીમાંથી બહાર આવ્યા હતા. જ્યારે પરિવારે ટાંકી જોઈ, ત્યારે તેઓ ચોંકી ઉઠ્યા હતા."
આ પણ વાંચો - Car Stunt Video: વિજાપુર ભાજપના સદસ્ય નેહા સુથારે ચાલુ કારે દરવાજો ખોલી કર્યો ડાન્સ
