મહારાષ્ટ્રના પાલઘરના રહેવાસી કન્ટેનર ચાલક અગ્નિવેશસિંગ ચૌહાણની સ્થળ પરથી ધરપકડ કરાઇ અને દારૂનો જથ્થો મોકલનાર વાપી, દમણ અને વલસાડના બુટલેગરોની શોધખોળ શરૂ કરાઈ છે.
ક્રેટા કારમાં પાઈલોટિંગ કરીને કન્ટેનર ઘૂસાડવાનો કારસો ચોપટ
દમણથી લોડ કરીને વડોદરા શહેરમાં ઘુસાડવામાં આવેલુ દારુ ભરેલુ કન્ટેનર આજે બુધવારે વહેલી સવારે સ્ટેટ મોનિટરીંગ સેલે શહેરના અટલાદરા પાદરા રોડ ભીમ તળાવ પાસેથી ઝડપી પાડયુ હતુ.
ક્રેટા કારમાં પાઈલોટિંગ સાથે દારુ ભરેલુ કન્ટેનર ઘુસાડવામાં આવી રહ્યુ હતુ. એસ.એમ.સી.ની વોચ હોવાથી કારમાં સવાર બુટલેગર ચકલી સર્કલ તરફ નાસી છુટયો હતો. પાછળથી આવી રહેલુ કન્ટેનર ઝડપી લીધુ હતુ. અટલાદરા પોલીસ વધુ એક વખત ઊંઘતી ઝડપાઈ હતી.
કન્ટેનરના ડ્રાઈવરની ધરપકડ કરાઈ
દમણથી દારુ ભરીને નીકળેલુ કન્ટેનર મુંબઈ દિલ્હી એક્સપ્રેસ વેથી પસાર થઈને વાયા પાદરા રોડથી શહેરમાં પ્રવેશવાનું છે તેવી એસ.એમ. સી.ને માહિતી મળી હતી. એસ.એમ.સી.ની ટીમે બુધવારે વહેલી સવારે અટલાદરા પાદરા રોડ પર વોચ ગોઠવી હતી.
કન્ટેનરનું પાઈલોટિંગ કરી રહેલી ક્રેટા કારના ચાલકે પોલીસની વોચ જોઈને કાર ખીસકોલી સર્કલ તરફ દોડાવી મુકી હતી. પાછળથી આવેલુ કન્ટેનર કોર્ડન કરી લેવામાં આવ્યું હતુ. કન્ટેનર ચાલક અશ્વિનીસિંહ માનસિંહ ચૌહાણ (રહે, પાલઘર,મહારાષ્ટ્ર)ની ધરપકડ કરવામાં આવી હતી.
આ પણ વાંચો : Kutch : માંડવી બીચ પર પ્રવાસી યુવક દરિયામાં તણાયો, સ્થાનિક લોકોએ જીવના જોખમે દરિયામાં કૂદી દિલધડક રેસ્ક્યૂ કર્યુ
