VADODARA : કોરોના પોઝિટિવ દર્દીનો આંક 22 પર પહોંચ્યો, 6 માસનું બાળક ઓક્સિજન પર

21 દર્દીઓને હોમ આઇસોલેશન હેઠળ રાખવામાં આવ્યા

વડોદરા પાલિકાની યાદી અનુસાર, વિતેલા 24 કલાકમાં હરણી, મુજમહુડા, વારસિયા, અકોટા અને એકતાનગર વિસ્તારમાંથી કોરોના પોઝિટિવ કેસો મળી આવ્યા છે. જેને પગલે વડોદરા શહેરમાં કોરોના પોઝિટિવ દર્દીઓનો આંક 22 પહોંચ્યો છે. તે પૈકી 21 દર્દીઓને હોમ આઇસોલેશન હેઠળ રાખવામાં આવ્યા છે. જ્યારે એક 6 માસના બાળકને એસએસજી હોસ્પિટલમાં એડમિટ કરવામાં આવ્યું છે. હાલ આ બાળક ઓક્સિજન સપોર્ટ હેઠળ હોવાનું જાણવા મળી રહ્યું છે.

તૈયારીઓની ચકાસણી માટે મોકડ્રિલનું આયોજન કરાયું

અત્રે નોંધનીય છે કે, રાજ્યભરમાં કોરોના પોઝિટિવ કેસોની સંખ્યા વધતા જ વડોદરાની એસએસજી હોસ્પિટલ દ્વારા અલાયદી વ્યવસ્થાની તૈયારીઓ શરૂ કરી દેવામાં આવી હતી. તંત્ર દ્વારા હોસ્પિટલના 2 મોટા ઓક્સિજન યુનિટ, આઇસોલેશન વોર્ડ, વેન્ટીલેટર સહિતની ચકાસણી કરતી મોકડ્રિલ પણ યોજી હતી. હાલની સ્થિતીએ મધ્યગુજરાતની સૌથી મોટી એસએસજી હોસ્પિટલમાં 22 બેડ સાથે આઇસોલેશન વોર્ડ તૈયાર કરીને તેમાં સ્ટાફ તૈનાત કરી દેવામાં આવ્યો છે. જરૂર પડ્યે બેડની સંખ્યા વધારવામાં આવનાર હોવાનું હોસ્પિટલના સત્તાધીશોનું કહેવું છે.

આ પણ વાંચો --- VADODARA : સ્ટ્રક્ચર સ્ટેબિલિટી રિપોર્ટ નહીં આપતા 7 શાળા સીલ કરાઇ